అద్భుతం.. ఆశ్చర్యం: రూ.10 లక్షల వజ్రం దొంగిలించే ప్రయత్నం చేసిన చీమ!!

సూరత్: ఓ చీమ రూ.10 లక్షల విలువైన వజ్రాన్ని తీసుకెళ్లేందుకు ప్రయత్నించిన వీడియో ఒకటి ఇంటర్నెట్లో వైరల్ అవుతోంది. చీమలు సాధారణంగా తమకంటే ఎన్నో రెట్ల బరువును మోసుకెళ్లగలవు. అలాంటి చీమ ఓ వజ్రాల ఆభరణాల దుకాణంలోకి వచ్చింది.

అక్కడ ఉన్న చిన్న చిన్న వజ్రాలను తినుభండారం అనుకుంది. అందులోని ఓ వజ్రాన్ని తీసుకు వెళ్లేందుకు ప్రయత్నాలు చేసింది. ఓ వజ్రాన్ని ఎంతో కష్టపడి తన స్థావరం వరకు మోసుకెళ్తూ కెమెరా కంటికి చిక్కింది. ఆ వజ్రం విలువ పది లక్షల రూపాయల వరకు ఉంటుందని చెబుతున్నారు.

ఆ చీమ వజ్రాన్ని తన నోటీతో ముందుకు తోసుకు వెళ్తుండగా వీడియో రికార్డయింది. వీడియోలో ఉన్నదాని ప్రకారం.. టేబుల్ పైన కొన్ని పుస్తకాలకు దగ్గర వజ్రం ఉంది. పుస్తకాల మధ్యలో నుంచి ఆ చీమ వజ్రాన్ని పెనుగులాడుతూ, కష్టపడుతూ తోసుకు వచ్చింది. అలా కొన్ని అడుగుల దూరం తీసుకువచ్చింది. కాగా ఈ సంఘటన సూరత్‌లో చోటు చేసుకున్నట్లుగా తెలుస్తోంది.

English summary

The insect was filmed dragging the diamond, which looks almost twice its size, across a shop desk.