college girl: కాలేజ్ అమ్మాయి పేరుతో సహ అసభ్యంగా రాసి, అర్దరాత్రి కాలేజ్ లో ఏం జరుగుతోంది ?

బెంగళూరు/కోప్పళ: కర్ణాటకలోని కోప్పళ పట్టణంలోని కేపీఎస్‌ చెన్నశ్రీరుద్ర ఇంటర్ కళాశాలలో విద్యార్థిని పేరుతో కాలేజ్ గోడపై అశ్లీల రాతలు రాసి అసభ్యకరంగా ప్రవర్తించడంతో ప్రజల ఆగ్రహం వ్యక్తం చేస్తున్నారు. రెండు నెలల క్రితం పట్టణానికి చెందిన విద్యార్థినిని లక్ష్యంగా చేసుకుని అసభ్యకరమైన రాతలు, చిత్రాలు గీసి కాలేజ్ లోని ప్రశాంత వాతావరణాన్ని దెబ్బ తీసింది.

ఈ సందర్భంగా కాలేజ్ ప్రిన్సిపాల్, కాలేజ్ అధ్యాపకులు ఈచర్యను ఖండిస్తూ చట్టపరమైన చర్యలు తీసుకోవాలని పోలీసు అధికారులకు మనవి చేశారు. ఈ కేసుకు సంబంధించి పోలీసులు అనుమానాస్పద యువకుడిని స్టేషన్‌కు పిలిపించి ప్రశ్నించారు. కాలేజ్ అమ్మాయి విషయంలో ఇప్పటికే ఎఫ్‌ఐఆర్‌ నమోదైయ్యింది.

డిసెంబర్ 28వ తేదీ రాత్రి పట్టణంలోని కేపీఎస్‌, చెన్నశ్రీరుద్ర పీయూ కళాశాలలోని వరుస గదులపై అదే విద్యార్థిని పేరుతో అసభ్యంగా మళ్లీ రాశారు. ఎలాంటి కారణం లేకుండా విద్యార్థి పేరును ఉపయోగించి అసభ్యకరంగా రాయడం ఆమె కుటుంబాన్ని కలచివేసింది. విషయం తెలుసుకున్న పోలీసులు కాలేజ్ ను అసభ్యకరమైన రాతలను తొలగించాలని సూచించారు. కాలేజ్ యాజమాన్యం గోడలకు పెయింట్‌ వేసింది. మళ్లీ పోలీసులు పలు సెక్షల కింద కేసు నమోదు చేశారు.

ఇంటర్ కాలేజ్ లో వరుసగా అన్ని గదుల్లో విద్యార్థిని పేరును ఉపయోగించి అసభ్యకరమైన రాతలు రాసి కేసు నమోదు చేసి దర్యాప్తు చేస్తున్నారు. నిందితులను త్వరలోనే గుర్తింస్తామని పోలీసులు అంటున్నారు. కాలేజ్ విద్యార్థినిని టార్గెట్ చేసిన దుండగులు పాఠశాల గోడపై పదే పదే అసభ్యకర రాతలు రాస్తూ అసభ్యకర చిత్రాలు గీస్తుండటంతో ఆ కాలేజ్ లో చదువుతున్న అమ్మాయిలు హడలిపోతున్నారు. ఇలాంటి సంఘటనలతో నిందితులను గుర్తించడానికి సీసీ టీవీలు ఏర్పాటు చేస్తామని కాలేజ యాజమాన్యం అంటోంది.

English summary

Indecent news was written in the name of a college girl. What is happening in college at night?