వివాదాస్పదమైన ఫెవిక్విక్ యాడ్: వెంటనే తీసేయండి లేకుంటే ఆందోళన(వీడియో)

న్యూఢిల్లీ: టీవీ ఛానల్స్‌లో వచ్చే ఫెవిక్విక్ యాడ్స్ చాలా సరదాగా, ఫన్నీగా ఉంటాయి. అయితే తాజాగా టీవీ ఛానల్స్‌లో దర్శనమిస్తున్న ఫెవిక్విక్ యాడ్ మాత్రం అందుకు భిన్నంగా ఉందంటూ, ఆ యాడ్‌పై హిందూ జనజాగృతి సమితి (హెచ్‌జేఎస్) అభ్యంతరం తెలిపింది.

అంతలా అభ్యంతరం తెలిపే ఆ యాడ్‌లో ఏముంది? అందులో భారత్ పాక్ అంతర్జాతీయ వాఘా సరిహద్దులో నిర్వహించే 'బీటింగ్ ద రిట్రీట్' సందర్భంగా ఓ భారత సైనికుడు పాకిస్ధాన్ సైనికుడి బూటును ఫెవిక్విక్‌తో అతికించడం కనిపిస్తుంది.

దేశ సరిహద్దుల్లో అసమాన ధైర్య సాహసాలు ప్రదర్శిస్తున్న మన సైనికులను అసమంజసమైన రీతిలో చిత్రీకరించారని హిందూ జనజాగృతి సమితి జాతీయ ప్రతినిధి రమేశ్ షిండే ఆగ్రహం వ్యక్తం చేశారు. ఈ యాడ్‌పై ఫెవిక్విక్‌ తయారీదారైన పిడిలైట్ సంస్ధ క్షమాపణలు చెప్పాల్సిందేనంటూ డిమాండ్ చేశారు.

ప్రాణాలను సైతం లెక్కచేయకుండా రాత్రింబవళ్లు మన సైనికులు సరిహద్దుల్లో విధులు నిర్వర్తిస్తుంటే, ఇలాంటి యాడ్‌లు రూపొందించడం దేశ ప్రజల మనోభావాలను గాయపర్చడమేనని అన్నారు. ఈ యాడ్‌ను తక్షణమే ఉపసంహరించుకోవాలని లేకుంటే, పిఢిలైట్ సంస్ధకు వ్యతిరేకంగా ఆందోళన చేస్తామన్నారు.

ఫెవిక్విక్ యాడ్‌ను ఇక్కడ వీక్షించండి:

English summary

New FeviQuick Ad creating row in India.