లేడిస్ ట్రయల్ రూంలో రహస్య కెమెరా (వీడియో)

కొచ్చి: మహిళలు దుస్తులు మార్చుకునే గదిలో రహస్యంగా కెమెరా పెట్టి ఆ చిత్రాలు రికార్డు చేస్తున్న యువకుడిని పోలీసులు అరెస్టు చేశారు. శ్రీమంతులు నిత్యం వెళ్లే ఒక షోరూంలో ఈ విషయం వెలుగు చూడటంతో అధికారులు సీరియస్ అయ్యారు.

కేరళలోని కోచ్చి నగరంలో ప్రసిద్ది చెందిన మాల్ ఉంది. ఈ మాల్ లో గార్మెంట్స్ షోరూం ఉంది. నిత్యం ఇక్కడికి శ్రీమంతుల కుటుంభాలకు చెందిన మహిళలు, యువతులు వెళుతుంటారు. ఈ మాల్ లో సంజీవ్ అలియాస్ సంజీవన్ అనే వ్యక్తి సేల్స్ మెన్ గా పని చేస్తున్నాడు.

రెండు రోజుల క్రితం ఒక మహిళ లేడిస్ డ్రెస్సింగ్ ట్రయల్ రూంలోకి వెళ్లి దుస్తులు మార్చుకోవడానికి ప్రయత్నించారు. ఆ సందర్బంలో ఆమె మొబైల్ కెమెరాను గుర్తించి వెంటనే షో రూం మేనేజర్, యాజమాన్యానికి ఫిర్యాదు చేసింది.

విషయం తెలుసుకున్న పోలీసులు షో రూం దగ్గరకు చేరుకుని పరిశీలించి వివరాలు సేకరించారు. సేల్స్ మెన్ లను విచారణ చేశారు. అయితే శివరాజ్ అనుమానాస్పదంగా ప్రవర్తించడంతో అతనిని అదుపులోకి తీసుకుని అరెస్టు చేశారు. ఒక నెల క్రితమే సంజీవ్ ఈ షో రూంలో ఉద్యోగంలో చేరాడని పోలీసులు తెలిపారు.

English summary

Police arrested a salesman for installing a mobile camera at the trial room of a garments’ showroom in a shopping mall in Kochi.