వ్యాఖ్యాతగా ఆజరుద్దీన్: హాట్ విరాట్ కోహ్లీకి కూల్ చిట్కాలు

ముంబై: భారత క్రికెట్ జట్టు మాజీ కెప్టెన్, మణికట్టు మాంత్రికుడు మొహమ్మద్ అజరుద్దీన్ టీవీ వ్యాఖ్యాతగా దర్శనమిచ్చాడు. ఈ సమయంలో అతను విరాట్ కోహ్లీ టెంపర్‌మెంట్‌పై కొన్ని వ్యాఖ్యలు చేశాడు. కోహ్లీ ప్రవర్తన పట్ల ఆయన ఆందోళన వ్యక్తం చేశాడు. సోనీ సిక్స్‌లో అజరుద్దీన్ వ్యాఖ్యాతగా దర్సనమిచ్చాడు.

విరాట్ అద్భుతమైన క్రికెటర్ అని, బ్యాట్స్‌మన్‌గా కోహ్లీని ప్రపంచం గుర్తు పెట్టుకుంటుంది గానీ టెంపర్‌ను కాదని ఆయన అన్నాడు. తప్పుడు ప్రవర్తనకు ఇటీవలి కాలంలో విరాట్ కోహ్లీ పలుమార్లు వార్తల్లోకి ఎక్కిన విషయం తెలిసిందే. టెస్టు క్రికెట్ కెప్టెన్‌గా ధోనీ స్తానంలో అతను నియమితుడయ్యాడు.

టెస్టు జట్టు కెప్టెన్‌గా విరాట్ కోహ్లీకి మంచి అవకాశం వచ్చిందని, అయితే విరాట్ కోహ్లీ తన టెంపర్‌మెంట్‌ను నియంత్రించుకోలేకపోతే ప్రతిదీ దెబ్బ తినే ప్రమాదం ఉందని అజరుద్దీన్ అన్నాడు. పొట్టి క్రికెట్ జట్లకు ధోనీ అందుబాటులో ఉండగా, టెస్ట్ మ్యాచులకు విరాట్ కోహ్లీ కెప్టెన్‌గా ఎంపిక చేయడం మంచి నిర్ణయమని అన్నాడు.

షారూక్ ఖాన్ జట్టు కోల్‌కతా నైట్ రైడర్స్ ఫైనల్‌కు చేరుకోలేకపోయినప్పటికీ చెన్నై సూపర్ కింగ్స్, ముంబై ఇండియన్స్‌కు మధ్య జరిగిన ఫైనల్ మ్యాచుకు తారల ఆకర్షణ తగ్గలేదు. పాత, కొత్త తరాల నటులు ఈ మ్యాచును వీక్షించడానికి వచ్చారు. అనిల్ కపూర్ మ్యాచును వీక్షించడానికి వచ్చాడు రణవీర్ సింగ్, పర్షాన్ అక్తర్ కూడా వచ్చారు.

English summary

"Virat is a gifted cricketer. I would like the world to remember him as a batsman and not for his temper," Azharuddin said