ISRO: చరిత్ర సృష్టించిన ఇస్రో.. శుభాన్షు శుక్లా మిషన్‌కు ఖర్చెంతో తెలుసా?

ISRO: భారత అంతరిక్ష చరిత్రలో ఒక కీలక అంకం పూర్తయింది. భారత కీర్తి పతాకను అంతరిక్షంలో ఎగురవేసిన భారత వ్యోమగామి శుభాన్షు శుక్లా భూమికి 400 కిలోమీటర్ల ఎత్తులోని అంతర్జాతీయ అంతరిక్ష కేంద్రంలో 18 రోజుల పాటు గడిపిన అనంతరం మంగళవారం చిరునవ్వులు చిందిస్తూ భూమికి చేరుకున్నారు. ఆక్సిమ్ 4 పేరుతో ఇస్రో.. ఈ మిషన్‌ను చేపట్టిన విషయం తెలిసిందే. ఈ మిషన్‌కు భారత్ సారథ్యాన్ని వహించింది. వైమానిక దళ వింగ్ కమాండర్ శుభాన్షు శుక్లా.. ఈ మిషన్ కు గ్రూప్ కెప్టెన్ గా వ్యవహరించారు. ఆయనతో పాటు స్లావోష్ ఉజ్నాన్స్ కీ, టిబోర్ కపు- హంగేరి, నాసాకు చెందిన పెగ్గీ విట్సన్ తో కూడిన స్పేస్ ఎక్స్ ఫాల్కన్ స్పేస్ క్రాఫ్ట్ లో కిందటి నెల 26వ తేదీన ఐఎస్ఎస్ కు బయలుదేరిన విషయం తెలిసిందే.ఆ మరుసటి రోజే ఇది ఐఎస్ఎస్‌తో అనుసంధానమైంది. ఈ మేరకు డాకింగ్ ప్రక్రియ విజయవంతంగా ముగిసినట్లు అప్పట్లో స్పేస్ ఎక్స్ సంస్థ ప్రకటించింది. 18 రోజుల పాటు శుభాన్షు శుక్లా టీమ్ అంతరిక్ష కేంద్రంలో గడిపింది. ఈ కీలక ప్రయోగం కోసం ఇస్రో ఎంత ఖర్చు చేసిందో తెలుసుకుందాం.

భారత అంతరిక్ష పరిశోధనా సంస్థ(ఇస్రో) ఆక్సియమ్-4 మిషన్ కోసం దాదాపు రూ.550 కోట్లు (సుమారు 65 మిలియన్ల అమెరికన్ డాలర్లు) ఖర్చు చేసింది. ఈ ఖర్చు అతని శిక్షణ మరియు మిషన్‌లో సీటుకు సంబంధించినది. ఈ మొత్తం ఖర్చులో శుభాన్షు శుక్లా శిక్షణ, ప్రయోగ ఏర్పాట్లు, ప్రయాణ ఖర్చులు, అంతరిక్షంలో జరిగే పరిశోధనలకు సంబంధించిన ఖర్చులు ఉన్నాయి. ఈ మిషన్ భారతదేశపు "గగన్‌యాన్" కార్యక్రమానికి కీలకమైన అడుగుగా పరిగణించబడుతోంది. ఇది 2027లో మానవులను అంతరిక్షంలోకి పంపాలని లక్ష్యంగా పెట్టుకుంది. ఆక్సియమ్-4 మిషన్ కు ఖర్చు గణనీయంగా అయినప్పటికీ.. ఇస్రో దీనిని విలువైన పెట్టుబడిగా పరిగణిస్తోంది. శుభాన్షు శుక్లా పొందిన అనుభవం, అంతరిక్ష కేంద్రంలో అతని ప్రయోగాల నుంచి సేకరించిన డేటా భారతదేశం సొంత మానవ అంతరిక్షయాన సామర్థ్యాలను అభివృద్ధి చేయడంలో చాలా ఉపయోగపడుతుంది. ఇది మైక్రోగ్రావిటీ మానవ శరీరంపై చూపే ప్రభావాలను అర్థం చేసుకోవడం, జీవనోపాధి వ్యవస్థలను పరీక్షించడం, భవిష్యత్ మిషన్ల కోసం ఆపరేషనల్ విధానాలను మెరుగుపరచడం వంటివి కలిగి ఉంటుంది.

శుభ్రాంశు శుక్లా చారిత్రక పాత్ర
శుభ్రాంశు శుక్లా ఆక్సియమ్-4 మిషన్‌లో పాల్గొనడం ఒక ముఖ్యమైన మైలురాయిని సూచిస్తుంది: అంతర్జాతీయ అంతరిక్ష కేంద్రాన్ని సందర్శించి పనిచేసిన మొదటి భారతీయుడు, 1984లో వింగ్ కమాండర్ రాకేష్ శర్మ తర్వాత అంతరిక్షంలోకి వెళ్ళిన రెండో భారతీయుడు. అతని 18 రోజుల మిషన్‌లో అంతరిక్ష వ్యవసాయానికి సంబంధించిన ప్రయోగాలు సహా వివిధ శాస్త్రీయ ప్రయోగాలు జరిగాయి. ఇవి సుదీర్ఘ అంతరిక్ష మిషన్లకు చాలా ముఖ్యమైనవి. అతని ఈ ప్రయాణం ప్రపంచ అంతరిక్ష పరిశోధనలో భారత ఆశయాన్ని, ఉనికిని చాటు చెబుతుంది.

శుభాన్షు శుక్లా జీతం ఎంతో తెలుసా?
శుభాన్షు శుక్లా తన అంతరిక్షయాన మిషన్ కోసం ఎటువంటి అదనపు చెల్లింపులు లేదా బోనస్‌ను స్వీకరించడం లేదనేది గమనించాలి. ఇస్రో వ్యోమగామిగా ఆయన సంపాదన సంస్థలోని సాధారణ జీతాల ప్రకారం ఉంటుంది.

ఇస్రో వ్యోమగాములు: గగన్‌యాన్ కార్యక్రమంతో సంబంధం ఉన్న భారతీయ వ్యోమగాములు సాధారణంగా సంవత్సరానికి రూ.12 లక్షల నుంచి రూ.20 లక్షల వరకు సంపాదిస్తారు. ఈ జీతంలో బేసిక్ సాలరీ, అలవెన్సులు, ఇతర ప్రభుత్వ ఆమోదించిన ప్రయోజనాలు ఉంటాయి, అయితే ఇది అదనపు ప్రమాద-సంబంధిత ప్రోత్సాహకాలు లేదా అంతరిక్షయాన బోనస్‌లను కలిగి ఉండదు, అవి మిషన్‌ను బట్టి మారవచ్చు.

అంతర్జాతీయ వ్యోమగాములు జీతాలు ఎంత ఉంటాయంటే?
నాసా (యునైటెడ్ స్టేట్స్): అమెరికాలోని వ్యోమగాములు, GS-12 నుంచి GS-13 పే గ్రేడ్‌ల క్రింద సంవత్సరానికి 65,140 అమెరికన్ డాలర్లు(సుమారు రూ.56లక్షలు)నుంచి 100,701 డాలర్లవు (సుమారు రూ.86 లక్షలు) వరకు జీతం సంపాదిస్తారు.యూరోపియన్ స్పేస్ ఏజెన్సీ, యూకే UK స్పేస్ ఏజెన్సీ వంటి ఇతర ప్రధాన అంతరిక్ష సంస్థలు కూడా ఇస్రోతో పోలిస్తే గణనీయంగా ఎక్కువ జీతాలను అందిస్తాయి.

English summary

Discover the details of ISRO's Oxym-4 mission led by Indian astronaut Shubhanshu Shukla, including the mission costs, achievements, and how it contributes to India's Gaganyaan program.