దారుణం: మాజీ ప్రియురాలిని కత్తి పొడిచి హత్య చేశాడు

ముంబై: మహారాష్ట్రలోని ముంబైలో దారుణం జరిగింది. తన మాజీ ప్రియురాలిపై కత్తితో దాడి చేసిన యువకుడు, ఆమెను హత్య చేశాడు. ఈ ఘటన శుక్రవారం ఉదయం ముంబై శివారు ప్రాంతమైన విఖ్రోలిలో చోటు చేసుకుంది. వెంటనే స్పందించిన స్థానికులు నిందితుడ్ని పట్టుకుని పోలీసులకు అప్పగించారు.

శుక్రవారం ఉదయం ఆ యువతి(17) పబ్లిక్ టాయ్‌లెట్‌కు వెళుతున్న సమయంలో నిందితుడు హసన్ షేక్ (23) ఆమెను వెంబడించాడు. ఆ తర్వాత ఆమెతో గొడవపెట్టుకున్నాడు.

అతని వద్ద ఉన్న కత్తిని తీసి ఆమె గొంతును కోశాడు. అనంతరం విచక్షణా రహితంగా ఆమెను పలుమార్లు కత్తితో పొడిచాడు. దీంతో ఆ యువతికి తీవ్ర గాయాలయ్యాయి.

ఆ తర్వాత నిందితుడు హసన్ షేక్ ఘటనా స్థలం నుంచి పరారయ్యాడు. అయితే స్థానికులు అతడ్ని వెంబడించి పోలీసులకు సమాచారం ఇచ్చారు. సమాచారం అందుకున్న పోలీసులు నిందితుడ్ని అరెస్ట్ చేశారు. బాధిత యువతి ఆస్పత్రిలో చికిత్స పొందుతూ మృతి చెందింది.

English summary

A jilted lover stabbed a girl to death at Vikhroli on Friday morning. With the help of passersby, the police subsequently arrested the youth — Hasan Shaikh, 23 — and inquired him about the incident.