కాంగ్రెస్ మంత్రికి అరెస్టు భయం, రంగంలోకి ఈడీ, బీజేపీ ప్లాన్, ఆపరేషన్ కమల, ప్రభుత్వం!

బెంగళూరు: కర్ణాటక మంత్రి, కాంగ్రెస్ పార్టీ సీనియర్ నాయకుడు డీకే. శివకుమార్, ఆయన సోదరుడు, కాంగ్రెస్ పార్టీ ఎంపీ డీకే. సురేష్ ను ఈడీ అధికారులు అరెస్టు చేస్తారని జోరుగా ప్రచారం జరుగుతోంది. అవినీతి ఆరోపణలు, అక్రమాస్తులు సంపాధించారని డీకే సోదరులు ఆరోపణలు ఎదుర్కోంటున్నారు.

కర్ణాటక మంత్రి డీకే. శివకుమార్, ఆయన సోదరుడు డీకే. సురేష్ మీద ఈడీ అధికారులు ఎఫ్ఐర్ నమోదు చేశారని. సోమవారం వారిని అరెస్టు చేసే అవకాశం ఉందని జోరుగా ప్రచారం జరుగుతోంది. డీకే. శివకుమార్, ఆయన సోదరుడు డీకే. సురేష్ ను విచారణ చేసిన తరువాత అరెస్టు చేస్తారని సమాచారం.

బీజేపీలో చేరాలని తన సోదరుడు, మంత్రి డీకే. శివకుమార్ మీద సీబీఐ, ఆదాయపన్ను శాఖ, ఈడీ అధికారులు ఒత్తిడి చేస్తున్నారని కాంగ్రెస్ పార్టీ ఎంపీ డీకే. సురేష్ ప్రధాన మంత్రి నరేంద్ర మోడీకి ఇప్పటికే లేఖ రాశారు. బీజేపీ నాయకులు తమను పార్టీ మారాలని అధికారులతో ఒత్తిడి చేయిస్తున్నారని డీకే. సురేష్ ఆరోపిస్తున్నారు.

డీకే. శివకుమార్ మీద చర్యలు తీసుకోవాలని 2017లోనే కర్ణాటక మాజీ ముఖ్యమంత్రి బీఎస్. యడ్యూరప్ప ఆదాయపన్ను శాఖ, ఈడీ అధికారులు లేఖ రాశారని డీకే. సురేష్ ఆరోపించారు. బీఎస్ యడ్యూరప్ప రాసిన లేఖ ఇదే అంటూ శనివారం డీకే. సురేష్ ఓ లేఖను మీడియాకు ఇచ్చారు.

ఇప్పటికే మంత్రి డీకే. శివకుమార్, ఆయన సోదరుడు కాంగ్రెస్ పార్టీ ఎంపీ డీకే. సురేష్ మీద ఈడీ అధికారులు కేసు నమోదు చేశారని, ఎఫ్ఐఆర్ తయారు చేసి సోమవారం అరెస్టు చేసే అవకాశం ఉందని జోరుగా ప్రచారం జరగడంతో డీకే బ్రదర్స్ అనుచరుల్లో ఆందోళన మొదలైయ్యింది.

English summary

Karnataka minister DK Shivakumar and DK Suresh may get arrested by ED officers on Monday. ED department may file FIR against DKS brothers today. DK Suresh alleged that Karnataka BJP conspiring against us.