ఛానళ్లలో మహిళ ఆరోపణ: మాజీమంత్రి సూసైడ్‌యత్నం

బెంగళూరు: కర్నాటకలో మాజీ మంత్రి ఒకరు ఆత్మహత్యాయత్నం చేశారు. రాష్ట్రంలో భారతీయ జనతా పార్టీ అధికారంలో ఉన్నప్పుడు వైద్య విద్యా శాఖ మంత్రిగా పని చేసిన ఎస్ఏ రామదాస్ మంగళవారం రాత్రి మైసూరులోని ప్రభుత్వ గెస్ట్ హవుస్‌లో ఆత్మహత్యకు యత్నించారు.

ఆయన సహాయకుడు తక్షణమే అతనిని స్థానిక ఆసుపత్రికి తీసుకెళ్లారు. ఆయన ప్రస్తుతం ఐసియులో ఉన్నారు. చికిత్స అందిస్తున్నారు. రామదాసు వయస్సు 54. ఆయన పెళ్లి చేసుకోలేదు. గత సంవత్సరం జరిగిన అసెంబ్లీ ఎన్నికల్లో ఆమె ఓడిపోయారు.

తను పెళ్లి చేసుకుంటానని వంచించారని ఆరోపిస్తూ ప్రేమ కుమారి అనే మహిళ మంగళవారం సాయంత్రం ఆరోపణలు చేశారు. ఐదేళ్లుగా తనను మోసం చేశారని చెప్పారు. ఈ విషయాలు టివి ఛానళ్లలో రావడంతో మాజీ మంత్రి మనోవేధనకు గురై ఆత్మహత్యాయత్నం చేశారు.

ఆమె మీడియాతో మాట్లాడుతుండగా మాజీ మంత్రి ప్రేమ కుమారికి ఫోన్ చేసి ఈ ప్రచారం ఆపకుంటే తాను విషం తాగుతానని ఫోన్ ద్వారా హెచ్చరించారట.

English summary

Karnataka's former BJP minister S.A. Ramdas late Tuesday attempted to commit suicide by hanging in a guesthouse in this city of palaces, about 150km from Bangalore.