ఊహించని ప్రమాదం: మంత్రి తలపై పడ్డ వేడి వేడి పాయసం! (వీడియో)

కేరళలో సోమవారం ఉదయం ఓ షాకింగ్ ఘటన చోటుచేసుకుంది. ఆ రాష్ట్ర మహిళా శిశు సంక్షేమ శాఖ మంత్రి బిందు కృష్ణ తలపై వేడి వేడి పాయసం ఒక్కసారిగా పడిపోయింది. కొల్లాం కేఎస్ఆర్టీసీ డిపోలో మహిళల కోసం ఉచిత బస్సు ప్రయాణాన్ని అందించే 'ప్రియదర్శిని' పథకం జిల్లా స్థాయి ప్రారంభోత్సవ వేడుక సందర్భంగా ఈ ప్రమాదం చోటుచేసుకుంది. పాయసం ఒక్కసారిగా నెత్తిపై పడటంతో మంత్రి బిందుకృష్ణతో పాటు అక్కడ ఉన్నవారంతా ఒక్కసారిగా దిగ్భ్రాంతికి గురయ్యారు.

కిక్కిరిసిన బస్సులో ప్రమాదం
ఈ పథకం ప్రారంభోత్సవాన్ని పురస్కరించుకుని యూత్ కాంగ్రెస్ నాయకులు బస్సులోని ప్రయాణీకులకు, ప్రముఖులకు పాయసం పంపిణీ చేసేందుకు ఏర్పాట్లు చేశారు. అయితే ప్రారంభోత్సవ బస్సు లోపల విపరీతమైన రద్దీ ఉండటంతో పాయసం పంపిణీ చేస్తున్న సమయంలో ప్రమాదవశాత్తు ఆ పాత్ర ఒరిగిపోయింది. దీంతో వేడి వేడి పాయసం నేరుగా మంత్రి తలపై, ముఖంపై పడింది. ఆ గందరగోళంలో పాత్ర ఎలా వంగింది, దానికి ఎవరు బాధ్యులు అనేది స్పష్టంగా తెలియరాలేదు. వెంటనే అప్రమత్తమైన మంత్రి అనుచరులు, భద్రతా సిబ్బంది శాలువాలు, టవల్స్‌తో ఆమె ముఖాన్ని, తలను శుభ్రం చేశారు.

నొప్పిని భరిస్తూ మంత్రి సంయమనం
వేడి పాయసం పడటంతో తీవ్ర అసౌకర్యానికి, నొప్పులకు గురైనప్పటికీ మంత్రి బిందు కృష్ణ సంయమనాన్ని ప్రదర్శించారు. ఈ ప్రమాదం కారణంగా కార్యక్రమానికి ఎలాంటి ఆటంకం కలగకూడదని ఆమె నిర్ణయించుకుని బస్సును ఆపొద్దని ఆదేశించారు. అలాగే బస్సులోనే ఉండి ఈ ప్రారంభోత్సవ సర్వీస్ చిన్నక్కడ చేరుకునే వరకు ప్రయాణాన్ని కొనసాగించి ఆ తర్వాతే వెనుదిరిగారు. ప్రస్తుతం స్థానిక అధికారులు, డిపో సిబ్బంది ఈ ఘటనపై దర్యాప్తు ప్రారంభించారు. కిక్కిరిసి ఉన్న ఆ బస్సులో అసలు ఈ ప్రమాదం ఎలా జరిగిందో తెలుసుకోవడానికి అక్కడ రికార్డైన వీడియో ఫుటేజీలను పరిశీలిస్తున్నారు.

At the launch of the ‘Priyadarshini’ free bus travel scheme a Youth Congress leader spilled hot payasam on Kerala Minister Bindu Krishna..

Youth Congress leaders will never grow up 😂😂 pic.twitter.com/rnPhiMMceR

— Trupti Garg (@garg_trupti) June 15, 2026

English summary

Shocking incident in Kerala, Hot payasam accidentally spills onto Women and Child Welfare Minister Bindu Krishna's head during the launch of 'Priyadarshini' bus scheme in Kollam.