నటి లైంగిక దాడి కేసు: ఇద్దరు కేరళ ఎమ్మెల్యేల విచారణ, హీరో దిలీప్ తో, ఏం చెప్పారు !
ప్రముఖ నటి కిడ్నాప్, లైంగిక దాడి కేసులో అరెస్టు అయిన మాలీవుడ్ హీరో దిలీప్ కు అత్యంత సన్నిహితులైన కేరళకు చెందిన ఇద్దరు ఎమ్మెల్యేలను పోలీసులు విచారణ చేసి వివరాలు సేకరించారు.
కొచ్చి: ప్రముఖ నటి కిడ్నాప్, లైంగిక దాడి కేసులో అరెస్టు అయిన మాలీవుడ్ హీరో దిలీప్ కు అత్యంత సన్నిహితులైన కేరళకు చెందిన ఇద్దరు ఎమ్మెల్యేలను పోలీసులు విచారణ చేసి వివరాలు సేకరించారు. కొచ్చిలోని కేరళ పోలీసు క్లబ్ లో ఇద్దరు ఎమ్మెల్యేలను పోలీసులు విచారణ చేశారు.
హీరో దిలీప్ పని ఫినిష్: పబ్లిక్ ప్రాసిక్యూటర్ గా సురేశన్, సౌమ్య కేసులో ఉరి శిక్ష వేయించారు !
దిలీప్ కు అత్యంత సన్నిహితులైన ఎమ్మెల్యేలను విచారణకు రావాలని కేరళ పోలీసులు సూచించారు. ఇద్దరు ఎమ్మెల్యేలను వేరేవేరుగా పోలీసులు విచారణ చేశారు. ఎమ్మెల్యేలను దాదాపు నాలుగు గంటల పాటు విచారణ చేశారని మలయాళం మీడియా వార్తలు ప్రసారం చేసింది.
మీకు వారితో ఏంటి లింక్ ఝ
నటి లైంగిక దాడి కేసులో అరెస్టు అయిన పల్సర్ సునీ తప్పించుకోవడానికి ఇద్దరు ఎమ్మెల్యేలు సహాయం చేశారని ఆరోపణలు ఉన్నాయి. నటి లైంగిక దాడి కేసులో మీకు ఎలాంటి సంబంధం ఉంది ? హీరో దిలీప్ తో పాటు ప్రధాన నిందితుడు పల్సర్ సునీతో మీకు ఏమైనా సంబంధాలు ఉన్నాయా ? అంటూ పోలీసులు ప్రశ్నించారని సమాచారం.
Recommended Video
పోలీసులకే చుక్కలు చూపించాడు
నటిపై లైంగిక దాడి జరిగిన తరువాత పల్సర్ సునీ చాల రోజులు తప్పించుకుని తిరిగాడు. చివరికి పల్సర్ సునీ తన మొబైల్ స్విచ్ ఆఫ్ చేసి రహస్యంగా తప్పించుకుని తిరుగుతూ పోలీసులకు చుక్కలు చూపించాడు. ఆ సందర్బంలో రాజకీయ నాయకులు పల్సర్ సునీ తప్పించుకోవడానికి సహకరించారని ఆరోపణలు ఉన్నాయి.
కాంగ్రెస్ పార్టీ ఎమ్మెల్యే
ఇద్దరు ఎమ్మెల్యేలు ఇచ్చిన వివరణను కేరళ పోలీసులు రికార్డు చేసుకున్నారని మలయాళం మీడియా సోమవారం వార్తలు ప్రసారం చేసింది. పోలీసులు విచారణ చేసిన వారిలో కాంగ్రెస్ పార్టీ ఎమ్మెల్యే థామస్ కూడా ఉండటం కొసమెరుపు.
హీరోను మళ్లీ కస్టడీకి ఇవ్వాలని ?
కేరళ పోలీసులు దిలీప్ ను మళ్లీ కస్టడిలోకి తీసుకోవాలని ప్రయత్నిస్తున్నారని తెలిసింది. దిలీప్ ను విచారణ చెయ్యడానికి కస్టడీకి ఇవ్వాలని కేరళ పోలీసులు అంగమాలి జ్యుడీషియల్ ఫస్ట్ క్లాస్ మెజిస్ట్రేట్ న్యాయస్థానాన్ని ఆశ్రంచాలని నిర్ణయించారు.
హీరోకు మద్దతుగా నానా హంగామా !
శనివారం రాత్రి ఆలువా సబ్ జైలుకు దిలీప్ ను తరలించారు. ఆ సందర్బంలో హీరో దిలీప్ కు మద్దతుగా జైలు బయట కొందరు నానా హంగామా చేశారు. ఆ సందర్బంలో పోలీసులు వారిని అదుపులోకి తీసుకోవడానికి ప్రయత్నిస్తే పారిపోయారు. నానా హంగామా చేసిన వారిని గుర్తించామని, త్వరలో అదుపులోకి తీసుకుంటామని కేరళ పోలీసులు తెలిపారు.