ఖామోష్: శత్రఘ్ను సిన్హాకు బిజెపి యువమోర్చా షాక్

పాట్నా: తన మాటల ద్వారా భారతీయ జనతా పార్టీని చిక్కుల్లో పెట్టే ఆ పార్టీ ఎంపీ, నటుడు శతృఘ్ను సిన్హాకు బిజెపి యూత్ వింగ్ హెచ్చరికలు జారీ చేస్తూ ఓ బ్యానర్‌ను ప్రదర్శించింది. ఈ ఘటన బీహార్‌లో జరిగింది. ఖామోష్.. శత్రఘ్ను సిన్హా అంటూ ఆ బ్యానర్లో పేర్కొంది.

బిజెపి యువమోర్చా ఈ పోస్టర్‌ను ఏర్పాటు చేసింది. ఖామోష్ పేరిట ఏర్పాటు చేసిన ఈ బ్యానర్ ఇప్పుడు అందరి దృష్టిని ఆకర్షిస్తోంది. నిన్నటి బాలీవుడ్ స్టార్ హీరో అయిన శతృఘ్ను సిన్హా తన సినిమాలోని ఖామోష్ అనే ఊతపదాన్ని తరుచూ ఉపయోగించేవారు.

ఆయన తాజాగా తీసుకు వచ్చిన తన జీవిత కథకు కూడా 'ఎనీథింగ్ బట్ ఖామోష్' అని పేరు పెట్టారు. అయితే కొంతకాలంగా బిజెపి అధినాయకత్వం విషయంలో అతను విమర్శలు చేస్తున్నారు. బాహాటంగానే పార్టీ పెద్దలను విమర్శిస్తున్నారు.

తద్వారా బిజెపిని చిక్కుల్లో పెడుతున్నారు. బిజెపిని ఇబ్బంది పెట్టే దాదాపు ప్రతి అంశంలో దానిని సమర్థిస్తూ.. పార్టీని ఇరకాటంలో పడేస్తున్నారు. గత నెలలో అరుణ్ జైట్లీకి వ్యతిరేకంగా తీవ్ర విమర్శలు చేశారు. దీంతో.. శత్రఘ్నును నోరు మూయాలంటూ బిజెపి యువమోర్చా పోస్టర్ ఏర్పాటు చేసింది. పార్టీ అధినాయకత్వం ఆయన పైన చర్యలు తీసుకోవాలని అందులో విజ్ఞప్తి చేశారు.

English summary

A banner has been prominently put up in Bihar capital Patna asking the BJP to gag Shatrugan Sinha, the party's most voluble rebel.