అమ్మాయిలకు డ్రెస్ కోడ్: బెంబేలెత్తిస్తున్న లా కాలేజ్ ప్రిన్సిపల్

ముంబై: అమ్మాయిలు పొట్టి దుస్తులు వేసుకోవద్దని, డ్రెస్ చేతులు పొడవుగా ఉండాలని, స్లీవ్‌లెస్‌లు వేయవద్దని, నడుం కింద దిగువ దాకా అచ్చాదన ఉండాలని, కాళ్లు పూర్తిగా కనబడకుండా పాదరక్షలు వేసుకోవాలని, హైహీల్స్ వద్దని, అబ్బాయిలు టట్టూలు వేసుకోవద్దని ముంబైలోని ఓ న్యాయ కళాశాల ప్రిన్సిపల్ ఉత్తర్వులు జారీ చేశారు.

ప్రిన్సిపల్ నియమావళి దెబ్బకి విద్యార్థులు బెంబేలెత్తుతున్నారు. ముంబైలోని బోరివ్లీలోని ఓ న్యాయ కళాశాలకు కొత్తగా వచ్చిన ప్రిన్సిపల్ ప్రవీణ్ కళాశాలలో క్రమశిక్షణ లేదని వాపోయారు. దీనిని గాడిలో పెట్టేందుకు విద్యార్థులకు డ్రెస్ కోడ్ పెట్టారు. దాని ప్రకారం విద్యార్థులు తెల్ల చొక్కా, నల్ల ప్యాంటు వేసుకు రావాలి. ఇది పాటించకుంటే జరిమానా విధిస్తామని హెచ్చరించారు.

English summary

Law college imposes draconian dress code on students.