చంద్రయాన్-2 హైలైట్స్: టేకాఫ్ నుంచి విక్రమ్ ల్యాండర్ గతి తప్పడం వరకు...

కోట్లాదిమంది భారతీయుల ఆశలు, కలలను తన వెంట మోసుకెళ్లిన చంద్రయాన్ - 2.. చిట్ట చివరి నిమషంలో గతి తప్పింది. విఫలమైంది. ఊరించి.. ఉసూరుమనిపించింది. చంద్రుడి ఉపరితలానికి సుమారు 400 మీటర్ల దూరంలో ఉన్న సమయంలో దారి తప్పింది. మరి కొన్ని క్షణాల్లో చంద్రుడి ఉపరితలంపై దిగాల్సిన విక్రమ్ ల్యాండర్ నుంచి ఎలాంటి సంకేతాలు అందకుండా పోయాయి. విక్రమ్ ల్యాండర్ నుంచి సంకేతాలు అందాయని ఆశించిన శాస్త్రవేత్తలకు చేదు సమాచారం అందింది. విక్రమ్ ల్యాండర్ చంద్రుడి దక్షిణ ధృవం వైపు క్రాష్ ల్యాండింగ్ అయినట్లు గుర్తించారు. కాలం గడుస్తున్నప్పటికీ.. ల్యాండర్ నుంచి ఎలాంటి సంకేతాలు అందలేదు. దీనితో భూమితో సంబంధాలు తెగిపోయినట్లు ధృవీకరించారు.

ఇదిలా ఉంటే మొత్తం ప్రక్రియను ప్రధాని నరేంద్ర మోడీ వీక్షించారు. రష్యా నుంచి ఢిల్లీ చేరుకున్న ప్రధాని అక్కడి నుంచి బెంగళూరుకు చేరుకున్నారు. ప్రయోగం విఫలమవడంపై నిరుత్సాహపడొద్దని శాస్త్రవేత్తలతో మోడీ అన్నారు. శాస్త్రవేత్తల ప్రయత్నాన్ని మోడీ కొనియాడారు. దేశం మొత్తం గర్వపడుతోందని చెప్పారు.

English summary

The world is looking at India with great excitement as Chandrayaan -2 the moon mission would make its safe landing in few hours from Now. PM Modi will watch the proceedings Live from Bengaluru.