నఖ్వీ, షానవాజ్‌లకు హిందూ భార్యలు: అజంఖాన్

బరేలి: సమాజ్‌వాది పార్టీ నాయకుడు, ఉత్తరప్రదేశ్ రాష్ట్రమంత్రి అజాంఖాన్ భారతీయ జనతా పార్టీ నాయకులపై మండిపడ్డారు. లవ్ జిహాద్ అంటే ఏమిటో? హిందూ యువతులను వివాహం చేసుకున్న బిజెపి నాయకులు ముక్తార్ అబ్బాస్ నఖ్వీ, షానవాజ్ హుస్సేన్‌లను అడగాలని సూచించారు.

లవ్, జిహాద్ అనేవి రెండూ పవిత్రమైనవని చెప్పారు. వాటిపై చేసేవి చిల్లర రాజకీయాలేనని అన్నారు. లవ్ జిహాద్ అంశంపై మీడియా ప్రతినిధులు అడిగిన ప్రశ్నకు ఆయన పై విధంగా స్పందించారు. ఇద్దరు వేర్వేరు మతాలకు చెందిన వ్యక్తులు వివాహం చేసుకోవడంలో తప్పులేదని అన్నారు.

ముస్లిం మతానికి చెందిన బిజెపి నాయకులు ముక్తార్ అబ్బాస్ నఖ్వీ, షానవాజ్ హుస్సేన్‌లు హిందువులైన మహిళలను వివాహం చేసుకున్నారని.. లవ్ జిహాద్ అంటే ఏమిటో వారినే అడగాలని అన్నారు. వారినే విచారిస్తే సరైన వివరాలు తెలుస్తాయని చెప్పారు.

‘లవ్ జిహాద్' అంటే హిందువులైన యువతులకు మాయమాటలు చెప్పి వివాహం చేసుకున్న తర్వాత వారిని ముస్లిం యువకులు తమ మతంలోకి మార్చడమేనని యోగి ఆదిత్యానాథ్ లాంటి నాయకులు చెప్పారు.

English summary

Samajwadi Party leader and Rampur MLA Azam Khan, hitting out at BJP leaders who coined the term "love jihad", said, "Ask Mukhtar Abbas Naqvi and Shahnawaz Hussain, who have Hindu wives, the meaning of 'love jihad'."