వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

లవ్, సెక్స్ ఔర్ ధోకా: ప్రేమ కోసం దొంగగా మారితే ప్రియురాలు ఏం చేసిందో తెలుసా?

By Ramesh Babu
|
Google Oneindia TeluguNews

జైపూర్: ఓ యువకుడు ఓ అమ్మాయితో ప్రేమలో పడ్డాడు. తన ప్రేమ కోసం చివరికి దొంగగా కూడా మారాడు. అయితే అతడి ప్రియురాలు మాత్రం అతడికి హ్యాండ్ ఇచ్చింది. మరో యువకుడితో వెళ్లిపోయింది.

సినిమాను తలపిస్తున్న ఈ కథ.. రాజస్థాన్‌లోని ఉదయ్‌పూర్‌కు చెందిన రమేష్(22) అనే యువకుడిది. ఏడాది క్రితం రమేష్ ఓ అమ్మాయితో ప్రేమలో పడి ఆమెను తీసుకుని పారిపోయాడు.

Love, 'sex' and dhoka: Rajasthan man's girlfriend elopes even after he turns a thief for her

కొన్ని రోజుల తరువాత ఆ అమ్మాయిని తీసుకుని తిరిగి తన స్వస్థలానికి వచ్చాడు. అతడి నిర్వాకంపై అప్పటికే తీవ్ర ఆగ్రహంతో ఉన్న ఆ అమ్మాయి తరపు బంధువులు.. రమేష్ తిరిగి వచ్చాడని తెలియగానే గ్రామ పంచాయతీలో ఫిర్యాదు చేశారు.

దీంతో గ్రామ పంచాయతీ విచారణ జరిపి, ఆ అమ్మాయి కుటుంబానికి రమేష్ రూ.40 వేలు జరిమానా కింద చెల్లించాలని, ఆ తరువాతే అతడు తాను ప్రేమించిన అమ్మాయితో కలిసి జీవించాలని తీర్పునిచ్చింది.

దీంతో ఆ డబ్బు సంపాదించడం కోసం రమేష్ దొంగగా మారాడు. మరో ఇద్దరితో జతకలిసి మోటార్ బైక్‌లు దొంగతనం చేయడం ప్రారంభించాడు. అలా దొంగతనాలతో సంపాదించిన డబ్బుతో జరిమానా చెల్లించేశాడు.

ఇక తాను ప్రియురాలితో కలిసి జీవించాలనుకున్నాడు. అయితే ఇక్కడే కథ మరో మలుపు తిరిగింది. ఈలోగానే ఆ అమ్మాయి మరో వ్యక్తితో వెళ్లిపోయింది. దీంతో రమేష్ నిర్ఘాంతపోయాడు. అయితే అతడి కథ ఇంతటితో ముగియలేదు.

గత శుక్రవారం రాత్రి ద్విచక్రవాహనంపై వెళ్తోన్న రమేష్, అతని ఇద్దరు సహచరులను పోలీసులు చెక్‌పోస్టు వద్ద అడ్డగించారు. పోలీసులు రమేష్ ను ప్రశ్నించగా తన కథనంతటిని వారికి వివరించాడు. గత కొన్ని నెలలుగా 50 మోటార్ బైక్‌లు దొంగిలించినట్లు చెప్పాడు.

దీంతో ఉదయ్‌పూర్‌లోని హీరాన్మాగిరి పోలీసుస్టేషన్‌కు చెందిన ఎస్సై సంజీవ్‌ రమేష్, అతడి ఇద్దరు సహచరులను అదుపులోకి తీసుకున్నారు. ప్రేమించిన అమ్మాయితో కలిసి జీవించడం కోసం దొంగతనాలకు పాల్పడిన రమేష్ చివరికి పోలీసు కస్టడీలో ఊచలు లెక్కపెడుతున్నాడు.

English summary
Throwing caution to the wind, 22-year-old Ramesh fell in love with a woman he met a year ago and eloped with her, much to the anger of her family. The upset family approached the village’s Khap Panchayat demanding action against Ramesh who took away their daughter and began to live with her. The Khap Panchayat levied a fine of Rs 40,000 on Ramesh for his ‘misdemeanor.’ Ramesh was ordered to pay the amount to the woman’s family in order to be able to continue to live with her. However, Ramesh did not have Rs 40,000 to pay up. Unwilling to part with the woman he loved, Ramesh decided to pay the fine, hook or by crook. He began to steal motorcycles and sell them to gather the money and managed to amass Rs 40,000. However, much to his dismay, by the time he paid the money, the woman had eloped with someone else. To add to his problems, the law caught up with him and he was arrested for stealing.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X