వాలెంటైన్స్ డే: ప్రియురాలి కోసం 2000నోట్లతో కారు, ఏం జరిగిందంటే..?
మంగళవారం ప్రేమికుల దినోత్సవం(వాలెంటైన్స్ డే) రోజు కావడంతో తన ప్రియురాలికి ఓ కొత్త కానుక ఇవ్వాలనుకున్నాడు ఓ యువకుడు. అనుకున్నదే తడవుగా తన కారును కొత్తగా విడుదలైన రూ. 2000 నోట్లతో పూర్తిగా అలంకరించేశాడు
ముంబై: ప్రేమికులు తమ ప్రేమను ప్రదర్శించేందుకు చిత్ర విచిత్రమైన, సాహసోపేతమైన కార్యాలలకు పూనుకుంటుంటారు. ఇక్కడ కూడా ఓ ప్రేమికుడు తన ప్రియురాలికి తన ప్రేమను తెలియజేసేందుకు వినూత్న ప్రదర్శన చేశాడు. అయితే చివరకు అతడు కటకటాలపాలు కావాల్సి వచ్చింది. ఈ ఘటన ముంబైలో చోటు చేసుకుంది.
మంగళవారం ప్రేమికుల దినోత్సవం(వాలెంటైన్స్ డే) రోజు కావడంతో తన ప్రియురాలికి ఓ కొత్త కానుక ఇవ్వాలనుకున్నాడు ఓ యువకుడు. అనుకున్నదే తడవుగా తన కారును కొత్తగా విడుదలైన రూ. 2000 నోట్లతో పూర్తిగా అలంకరించేశాడు.
ఇక తన ప్రియురాలిని సంభ్రమాశ్చర్యాలకు గురిచేసేందుకు బయల్దేరాడు. అయితే, రోడ్డుపై వెలుతుండగా పోలీసులు చూసి.. అతడ్ని అరెస్ట్ చేసి జైలుకు తరలించారు. దీంతో ఆ ప్రేమికుడు ఆశలు అడియాశలుగా మిగిలిపోయాయి.
అయితే, అరెస్ట్ చేసిన సదరు యువకుడి వివరాలు మాత్రం పోలీసులు వెల్లడించలేదు. కాగా, పలువురు ప్రేమికులు అతనికి అండగా నిలుస్తండగా.. మరికొందరు ఇదేం వెర్రి అంటూ మండిపడుతున్నారు.