ఇద్దరు మహిళలకు లిఫ్ట్ ఇచ్చి.. కదులుతున్న వాహనంలోనే గ్యాంగ్ రేప్

లక్నో: ఉత్తరప్రదేశ్‌లోని లక్నోలో ఓ దారుణం వెలుగుచూసింది. కారులో వెళుతున్న ఓ వ్యక్తి లిఫ్ట్ ఇస్తానంటూ ఇద్దరు మహిళలను ఎక్కించుకుని, మరో ఇద్దరు వ్యక్తులతో కలిసి కదులుతున్న వాహనంలోనే వారిపై సామూహిక అత్యాచారానికి ఒడిగట్టాడు.

ఆ మహిళలు ఫరూఖాబాద్ నుంచి కమల్‌గంజ్‌కు తిరిగొస్తున్న సమయంలో ఈ ఘటన చోటుచేసుకుంది. తెలిసిన వ్యక్తే కావడంతో వారు నిస్సంకోచంగా కారులో ఎక్కారు. ఆ తరువాత కొంతదూరం వెళ్లాక ఆ కారులో మరో ఇద్దరు వ్యక్తులు ఎక్కారని, అందరూ కలిసి వీరిపై గ్యాంగ్‌ రేప్‌కు పాల్పడ్డారని తెలుస్తోంది.

ఈ దారుణం అనంతరం బాధిత మహిళలు ఓ దాబాకు వచ్చి తలదాచుకున్నట్లు కన్నూజ్ ఎస్పీ శేఖర్ చంద్ర గోస్వామి పేర్కొన్నారు. సదరు దాబా యజమాని ఆ మహిళలను పోలీసు స్టేషన్‌కు తీసుకొచ్చి ఫిర్యాదు చేసినట్లు తెలిపారు.

ఈ ఘటనపై కేసు నమోదు చేసుకున్న పోలీసులు బాధిత మహిళలకు కౌన్సెలింగ్ నిర్వహించి వారిని వైద్య పరీక్షల నిమిత్తం ఆసుపత్రికి తరలించారు.

English summary

2 women was gang-raped in a moving vehicle after they were offered a lift by a person they knew, while they were returning to Farrukhabad's Kamalganj. They sit in the car when a known person offered lift to them. Later two more persons joined him and all three persons raped these two woman in the car itself while it was running. After the incident the victims went to a Dhaba, the owner of the Dhaba bring them to police station and explained the incident what happened. Police filed a case and sent the two women to hospital for medical investigations.