బిస్కట్లు కొనుక్కోని వెళ్తున్న బాలికపై అత్యాచారం

న్యూఢిల్లీ: మసీదుకు ఎలా వెళ్లాలో దారి చూపించాలని అడిగి ఏడేళ్ల బాలికపై అత్యాచారం చేశాడు ఓ దుర్మార్గుడు. ఈ సంఘటన మహారాష్ట్రలోని భివాండి ప్రాంతంలో జరిగింది. పోలీసులు తెలిపిన కథనం ప్రకారం శనివారం రాత్రి బిస్కట్లు కొనుక్కోవడానికి బయటకు వెళ్లిన బాలిక తిరిగి ఇంటికి వెళ్తుండగా ఈ సంఘటన జరిగినట్లు భివాండి సిటీ పోలీస్ స్టేషన్ ఇన్‌స్పెక్టర్ ఎస్‌బి షిండే తెలిపారు.

బాధితురాలు భివాండి ప్రాంతంలోని జైతున్‌పురలో నివాసం ఉంటుంది. క్వాటర్ గేట్ మసీదుకు ఎలా వెళ్లాలో దారి చూపించాలని అడిగి, ఆ బాలికను ఓ గౌడౌన్ సమీపంలోని నిర్జన ప్రదేశానికి తీసుకెళ్లి అక్కడ అత్యాచారం చేశాడని పోలీసులు వెల్లడించారు.

తెల్లవారుజామున ఇంటికి చేరుకున్న బాలిక తనపై జరిగిన అత్యాచారాన్ని తల్లిదండ్రులకు తెలియజేయడంతో వారు పోలీసులకు ఫిర్యాదు చేశారు. ఐపీసీ సెక్షన్లు 376, 363, 506 క్రింద నిందుతుడిపై కేసు నమోదు చేసి, పరారీలో ఉన్న నిందితుడి కోసం గాలింపు చర్యలు ప్రారంభించామన్నారు.

English summary

A seven-year-old girl was allegedly raped by an unidentified man in the powerloom town of Bhiwandi here, police said today. The incident took place on Saturday night, when the victim, a resident of Jaitunpura had set out of her house to purchase biscuits, PI S B Shendge of Bhiwandi city police station told PTI.