• search

కోల్‌కతాలో ఘోర ప్రమాదం: రైల్వే పట్టాలపై కూలిన బ్రిడ్జి, శిథిలాల కింద వాహనాలు

By Srinivas
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
      రైల్వే పట్టాలపై కూలిన బ్రిడ్జి, శిథిలాల కింద వాహనాలు

      కోల్‌కతా: పశ్చిమ బెంగాల్ రాజధాని కోల్‌కతాలో ఘోర ప్రమాదం జరిగింది. రైల్వే ట్రాక్ పైన ఓ వంతెన కుప్పకూలింది. వంతెన కింద బస్సులు, కార్లు ఉన్నాయి. ఈ సంఘటన అలీపూర్ ప్రాంతంలో చోటు చేసుకుంది. బ్రిడ్జి కూలగానే స్థానికులు సహాయక చర్యలు చేపట్టారు.

      వంతెన పై నుంచి చాలా వాహనాలు వెళ్తున్న సమయంలో ఒక్కసారిగా కింద ఉన్న రైల్వే పట్టాలపై కూలింది. దీంతో వాహనాలు శిథిలాల కింద చిక్కుకుపోయాయి. కూలిన బ్రిడ్జి.. దక్షిణ కోల్‌కతాలోని మజెర్‌హట్ బ్రిడ్జి. దీని కింద పలు, ద్విచక్ర, ఫోర్ వీలర్ వాహనాలు చిక్కుపోయాయి.

      డైమండ్ హార్బర్ రోడ్డులోని ఈ బ్రిడ్జి మంగళవారం సాయంత్రం గం.4.45 నిమిషాలకు కూలింది. వెంటనే స్థానికులు స్పందించారు. అయిదు గంటలకు సహాయ సిబ్బంది అక్కడకు చేరుకొని సహాయక చర్యలు చేపట్టారు. అప్పటికే పలువురిని రక్షించి ఆసుపత్రికి తరలించారు.

      శిథిలాల కింద బస్సు, బైకులు, కార్లు

      ప్రమాదం సమయంలో పలువురు మృతి చెందినట్లుగా తెలుస్తోంది. పోలీసులు, ఆర్మీ వెంటనే రంగంలోకి దిగాయి. ఈ ప్రమాదం జరగడంతో శిథిలాల కింద ఓ మినీ బస్సు, ఐదు కార్లు, పలు బైకులు చిక్కుకున్నాయని తెలుస్తోంది.

      ప్రమాదంపై మమతా బెనర్జీ

      ప్రమాదంపై పశ్చిమ బెంగాల్ ముఖ్యమంత్రి మమతా బెనర్జీ స్పందించారు. ఈ ప్రమాదం పట్ల ఆందోళన చెందుతున్నామని చెప్పారు. వెంటనే సహాయక చర్యలు చేపట్టామన్నారు. తమ తొలి ప్రాధాన్యత బ్రిడ్జి కింద చిక్కుకుపోయిన వారిని కాపాడటం అన్నారు. విచారణ అంశం సహాయక చర్యల తర్వాత ఉంటుందన్నారు. పోలీసులు బ్రిడ్జి ప్రమాదంపై విచారణ జరుపుతున్నారని మమత చెప్పారు. అయితే తమ ప్రాధాన్యత అందరినీ కాపాడటం అన్నారు.

      40 ఏళ్ల కిందటి బ్రిడ్జి

      ప్రమాదంలో చిక్కుపోయిన వారిని కాపాడుతున్నామని పశ్చిమ బెంగాల్ మంత్రి ఫర్హద్ హకీమ్ వెల్లడించారు. ఈ బ్రిడ్జి 40 ఏళ్ల కిందటిది అని చెప్పారు. సెర్చ్ ఆపరేషన్ కొనసాగుతోందని చెప్పారు. ఈ ప్రమాదంలో గాయపడ్డ ఆరుగురిని ఆసుపత్రికి తరలించామని చెప్పారు.

      ఇటీవల వర్షాలు, అందువల్ల కూడా

      కోల్‌కతాలోని అతి పురాతన బ్రిడ్జిల్లో ఇది ఒకటి. ఇటీవల ఇక్కడ భారీ వర్షాలు కురుస్తున్నాయి. ఈ కారణంగానే బ్రిడ్జి కూలిపోయిందని పోలీసులు భావిస్తున్నారు.

      English summary
      Several people are feared trapped after a portion of the Majerhat bridge in South Kolkata collapsed on Tuesday, police source said. Many vehicles including two- and four-wheelers were also crushed in the incident.

      Oneindia బ్రేకింగ్ న్యూస్
      రోజంతా తాజా వార్తలను పొందండి

      X
      We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more