షాపింగ్‌మాల్‌లో ఎగసిపడుతున్న మంటలు.. రంగంలోకి 10 ఫైరింజన్లు

నోయిడా : యూపీలోని నోయిడాలోని ఓ షాపింగ్ మాల్‌లో భారీ అగ్నిప్రమాదం జరిగింది. సెక్టార్ 25ఏ లో గల స్పైస్ మాల్‌లో మంటలు ఎగిసిపడ్డాయి. స్థానికుల సమాచారంతో వెంటనే అగ్నిమాపక సిబ్బంది రంగంలోకి దిగారు. దాదాపు 10 ఫైరింజన్లు ఎగిసిపడుతున్న మంటలను ఆర్పివేస్తున్నాయి. ఈ ప్రమాదంలో ప్రాణ నష్టం ఏమి జరగలేదని తెలుస్తోంది. ఆస్తి నష్టం భారీ స్థాయిలో జరిగి ఉంటుందని అధికారులు అంచనా వేస్తున్నారు.

నోయిడాలోని స్పైస్ వరల్డ్ మాల్‌ నిత్యం రద్దీగా ఉంటుంది. ఈ మాల్‌లో షాపింగ్ కోసం పలు షాపులు, ఫుడ్ కోర్టులు, మూవీ థియేటర్లు ఉన్నాయి. షాపింగ్‌కు వచ్చిన వారు తమకు ఇష్టమొచ్చిన ఆహారాన్ని అరగించి .. సినిమా చూసి జాలీగా బయటకెళ్తారు. అయితే ఇవాళ స్పైస్ షాపింగ్ మాల్ రెండో అంతస్తులు మంటలు ఎగిసిపడ్డాయి.

దీంతో అక్కడున్న వారు ఒక్కసారిగా భయాందోళనకు గురయ్యారు. స్థానికుల సమాచారంతో అగ్నిమాపక సిబ్బంది రంగంలోకి దిగారు. దాదాపు 10 ఫైరింజన్లు ఘటనాస్థలానికి చేరుకున్నారు. మాల్‌లో చిక్కుకున్న వారిని సిబ్బంది సురక్షితంగా రక్షించారు. ఈ ప్రమాదంలో ఎలాంటి ప్రాణ నష్టం జరగలేదని అధికారులు చెప్తున్నారు. ఇప్పటికే అక్కడికి చేరుకున్న అగ్నిమాపక సిబ్బంది మంటలను ఆర్పివేసినట్టు ప్రాథమిక సమాచారం అందుతుంది.

English summary

a major fire broke out at Spice World Mall located in Noida's Sector 25A in Uttar Pradesh. Several fire tenders are at the scene. The fire started on second floor of the Mall. Efforts to douse the fire are going on. People inside the mall were already evacuated. Located in Noida's Sector 25, the Spice World Mall is home to several shops, a food court and movie theatres. According to latest update, the fire at the mall has been controlled with the help of 10 fire tendres.