వీడియో వైరల్: బర్త్‌డే వేడుకను వైరైటీగా కట్ చేసి చిక్కుల్లో పడ్డాడు

లక్నో : సాధారణంగా జన్మదినం సందర్భంగా కేక్ కట్ చేస్తాం. ఎలా కట్ చేస్తాం.. చాకుతో కట్ చేస్తాం. కానీ ఉత్తర్‌ప్రదేశ్‌లోని లక్నోలో మాత్రం ఓ యువకుడు వెరైటీగా బర్త్‌డే కేక్ కట్ చేసి జన్మదినం రోజునే చిక్కులు కొని తెచ్చుకున్నాడు. సరూర్‌పూర్ ఖేడ్కీ గ్రామంలో ఓ యువకుడు తన బర్త్‌డే కేక్‌ను తుపాకీ కాల్చి కట్ చేశాడు. అంతేకాదు అదేదో ఘనకార్యం అన్నట్లు వీడియోను సోషల్ మీడియాలో పోస్టు చేశాడు.

వీడియోను సోషల్ మీడియాలో పోస్టు చేయడంతో వైరల్ అయ్యింది. ఓ 12 మంది ఈ బర్త్‌డే వేడుకల్లో పాల్గొన్నట్లు తెలుస్తోంది. బర్త్‌డే బాయ్ చేతిలో దేశీ తుపాకీ ఉంది. ఆ తుపాకీతోనే కాల్చి కేక్‌ను వెరైటీగా కట్ చేశాడు. ఇదిలా ఉంటే వీడియో పోలీసుల దృష్టికి రావడంతో వారు రంగంలోకి దిగి బర్త్‌డే బాయ్‌ను అదుపులోకి తీసుకుని విచారణ చేస్తున్నారు. ఇక వేడుకల్లో పాల్గొన్న ఇతరుల కోసం గాలిస్తున్నారు పోలీసులు.

लाइव बर्थडे।। बागपत में फायरिंग कर काट केक@bptpolice @igrangemeerut @Uppolice pic.twitter.com/j9QGVmXW62

— Shadab Rizvi (@ShadabNBT) July 31, 2019

అసలు తుపాకీ అతనికి ఎక్కడినుంచి వచ్చిందనే దానిపై పోలీసులు విచారణ చేస్తున్నారు. వీరిపై పాత కేసులు ఏమైనా ఉన్నాయా అనే కోణంలో కూడా విచారణ జరుపుతున్నారు. మిగతా వారిని కూడా త్వరలోనే పట్టుకుని చర్యలు తీసుకుంటామని పోలీసులు తెలిపారు.

English summary

In a case reported from the Baghpat town of Uttar Pradesh, celebratory firing was taken to the next level by local youths, where a man fired gunshot to cut his birthday cake during the celebration. The incident happened in Sarurpur Khedki village under Kotwali Baghpat police station.