ఫ్లాట్‌లో స్పానిష్ మహిళపై రేప్: వ్యక్తికి జీవిత ఖైదు

ముంబై: స్పానిష్ మహిళపై అత్యాచారం చేసిన కేసులో 27 ఏళ్ల వ్యక్తికి జీవిత ఖైదు పడింది. ఈ మేరకు ముంబై సెషన్స్ కోర్టు శుక్రవారం తీర్పు వెలువరించింది. బాంద్రాలోని తన అద్దె ఆపార్టుమెంటులో నిందితుడు తనపై అత్యాచారం చేశాడని విదేశీ మహిళ ఆరోపించింది.

మొహమ్మ బాద్షా అన్సారీ అనే వ్యక్తి నిరుడు నవంబర్ 5వ తేదీన కత్తితో బెదిరించి తనపై అత్యాచారం చేశాడని ఆ మహిళ ఆరోపించింది. అన్సారీ తెరిచి ఉంచిన కిటికీ ద్వారా ఒంటరిగా ఉంటున్న స్పానిష్ మహిళ ఫ్లాట్‌లో చొరబడ్డాడని, కత్తితో బెదిరించి ఆమెపై అత్యాచారం చేశాడని ప్రాసిక్యూషన్ వాదించింది.

అన్సారీని పోలీసులు నిరుడు నవంబర్ 6వ తేదీన అరెస్టు చేశారు. ఈ ఏడాది జనవరిలో పోలీసులు చార్జిషీట్ దాఖలు చేశారు.

అన్సారీ దోపిడీకి పాల్పడ్డాడని, స్పానిష్ సంగీతజ్ఞురాలిపై అత్యాచారానికి ఒడిగట్టాడని పోలీసులు ఆరోపించారు. వివిధ సెక్షన్ల కింద అతనిపై నేరారోపణ చేశారు.

English summary

A sessions court in Mumbai on Friday awarded life imprisonment to a man in the rape case of a 27-year-old Spanish musician.