తేలికగా చావడం ఎలా!... నెట్లో ..వెతికి మరీ ఆత్మహత్య, ఎక్కడంటే?
సులభంగా ఆత్మహత్య చేసుకోవడం ఎలా అనే అంశంపై గూగుల్ లో వెతికి మరీ దాన్ని ఆచరణలో పెట్టాడు ముంబై కు చెందిన పవన్ జీత్ కోహ్లీ అనే యువకుడు.
ముంబై:సులభంగా ఆత్మహత్య చేసుకోవడం ఎలా అనే అంశంపై గూగుల్ లో వెతికి మరీ దాన్ని ఆచరణలో పెట్టాడు ముంబై కు చెందిన పవన్ జీత్ కోహ్లీ అనే యువకుడు.
ఎప్పుడూ తన స్నేహితులతో సంతోషంగా కన్పించే పవన్ జీత్ కోహ్లీ అనే యువకుడు ఆత్మహత్య చేసుకొన్నాడు. అయితే అతను ఆత్మహత్య చేసుకొన్నాడని తెలుసుకొన్న స్నేహితులు నమ్మలేకపోతున్నారు.
పవన్ ఎక్కడుంటే అక్కడ సంతోషం వెల్లివిరుస్తోందని స్నేహితులు చెబుతున్నారు. ఇటీవలే ఆయన తన పుట్టినరోజును కూడ జరుపుకొన్నారు.
దేనికిలోటు కూడ లేని పవన్ ఈ రకంగా ఆత్మహత్య చేసుకొంటారని ఎవరూ కూడ ఊహించలేదు. ముంబాయిలోని ప్రతిష్టాత్మక బాంద్రా వర్లీ వంతెనపై నుండి దూకి ఆయన ఆత్మహత్య చేసుకొన్నాడు.
ముంబైకి చెందిన ఓ వ్యాపారవేత్త కొడుకు పవన్ కుమార్ జీత్ కోహ్లీ. తాను ప్రేమిస్తున్న అమ్మాయికి నిశ్చితార్థం అయిందని అతడికి తెలిసింది. దీంతో ఆయన తీవ్ర మానసిక ఒత్తిడికి లోనయ్యాడు.
ప్రియురాలు దక్కని జీవితం వృధా అనుకొన్నాడు. దీంతో తన స్మార్ట్ ఫోన్ లో తేలికగా చనిపోవడం ఎలా అని వెతికాడు. తెల్లవారుజామున క్యాబ్ ను పిలిపించుకొని బాంద్రా వర్లీ వంతెనపైకి వెళ్ళాడు. తనకు వాంతి వస్తోందని కారును ఆపాలని క్యాబ్ డ్రైవర్ కు చెప్పాడు. ఆ వెంటనే వంతెనపై నుండి సముద్రంలోకి దూకాడు.
రెండు రోజుల తర్వాత అతడి మృతదేహం లభించింది. చేతిక ఉన్న కడియం ఆధారంగా తల్లిదండ్రులు అతడి మృతదేహన్ని గుర్తించారు.
Click it and Unblock the Notifications
Sign in with Google