మహిళా టెలివిజన్ జర్నలిస్టుకు రోడ్డుపై ఫ్లయింగ్ కిస్

ముంబై: ఓ మహిళా టెలివిజన్ విలేకరికి ఇరవై రెండేళ్ల యువకుడు ఫ్లయింగ్ కిస్ ఇవ్వడంతో పోలీసులు అరెస్టు చేసిన సంఘటన మహారాష్ట్ర రాజధాని ముంబైలో జరిగింది. ఈ ఘటన ముంబైలోని గ్రాండ్ రోడ్డులో శనివారం రాత్రి జరిగింది. నిందితుడిని ఇరవై రెండేళ్ల రాహుల్ ఉమేష్ తిలక్‌గా గుర్తించారు.

రాహుల్ వెస్ట్ శాంటాక్రాజాలోని గజదర్బంధ్ ప్రాంతంలో ఉంటూ ఓ ప్రయివేటు సంస్థలో పని చేస్తున్నాడు. వివరాల మేరకు.. ఇరవై రెండేళ్ల ఓ మహిళా విలేకరి స్థానిక టీవి ఛానల్లో పని చేస్తున్నారు.

శనివారం రాత్రి తన కార్యాలయ విధులు ముగించుకొని తిరిగి ఇంటికి వస్తున్నప్పుడు రాత్రి పదకొండు గంటల సమయంలో సాగాలే చౌక్ ప్రాంతంలో ఈ సంఘటన జరిగింది.

ఆమె వెళ్తుండగా ఓ వ్యక్తి ట్రాఫిక్ సిగ్నల్ వద్ద ఆమెకు ఫ్లయింగ్ కిస్ ఇచ్చాడు. షాక్‌కు గురైన ఆమె వెంటనే అక్కడే ఉన్న ఓ పోలీసుకు ఫిర్యాదు చేసింది. నిందితుడిన వెంటనే అదుపులోకి తీసుకున్నారు. అయితే ఫ్లయింగ్ కిస్ ఎందుకిచ్చాడో అతను చెప్పడం లేదని సమాచారం. రాహుల్ పైన పోలీసులు 509 సెక్షన్ కింద కేసు నమోదు చేశారు.

English summary

A flying kiss to a female television journalist led to the arrest of lands a 22-year-old man here. The incident took place in Grant Road area on Saturday night. The accused has been identified as Rahul Umesh Tilak, a resident of Gajdharbandh area of Santa Cruz (west).