దారుణం: కూరలో టమాటాలు లేవని భార్యను చంపాడు!

డెహ్రాడూన్: ఉత్తరాఖండ్ రాష్ట్రంలో దారుణం జరిగింది. తన భార్య వండించిన ఓ వెజిటేబుల్ డిష్‌లో టమాటా లేదని ఓ భర్త ఆమెను చంపిన హతమార్చాడు. క్షణికావేశంలో ఆమె ప్రాణం తీశాడు. ఉత్తరాఖండ్ లోని రిషికేశ్ సమీప గ్రామం లాక్మన్‌లో ఈ దారుణ ఘటన జరిగింది.

వాచ్‌మన్‌గా పని చేసే సదరు భర్త భోజనానికి ఉపక్రమించగా భార్య తాను వండిన కూర తెచ్చి వడ్డించింది. అయితే, అందులో టమాటోలు లేకపోవడం గమనించిన ఆ భర్త ఆమె తలను గోడకేసి బలంగా కొట్టాడు. దీంతో, ఆమె ప్రాణాలు విడిచింది. దీనిపై కేసు నమోదు చేసుకున్న పోలీసులు భర్తను అరెస్టు చేశారు.

సోమవారం రాత్రి ఈ ఘటన జరిగింది. సదరు భర్త తన నేరాన్ని ఒప్పుకున్నాడు. కూరలో టమాటాలు వేయలేదని భార్య తలను గోడకేసి కొట్టాడని, దాంతో ఆమె చనిపోయిందని పోలీసులు చెప్పారు. భర్త పైన హత్య నేరం కింద కేసు నమోదు చేసినట్లు చెప్పారు. మృతురాలి వయస్సు ముప్పై సంవత్సరాలు ఉంటుంది.

English summary

A man allegedly killed his wife in a fit of rage when he found that the vegetable dish served to him in his meal did not have tomatoes in it, police said yesterday.