సరదా కోసం కుక్కకు ఆధార్ కార్డు దరఖాస్తు: అరెస్టు చేసి జైల్లో పెట్టారు
న్యూఢిల్లీ: తన కుక్కకి ఆధార్ కార్డు కావాలని దరఖాస్తు చేసుకున్నాడు ఓ వ్యక్తిని పోలీసుల అదుపులోకి తీసుకున్నారు. పోలీసులు తెలిపిన వివరాల ప్రకారం ఈ సంఘటన ఉత్తరప్రదేశ్ రాష్ట్రంలోని గాజిపూర్ జిల్లా రాజాపూర్ గ్రామంలో జరిగింది.
ఓ ప్రైవేటు కంపెనీలో కంప్యూటర్ ఆపరేటర్గా పనిచేస్తోన్న మనీష్ కుమార్ గత మార్చిలో ఓ కుక్క ఫోటోతో పాటు తప్పుడు సమాచారాన్ని దరఖాస్తు ఫామ్లో నింపి ఆన్లైన్లో అప్లై చేశాడు. కుక్క ఫోటోతో ఉన్న దరఖాస్తు ఫారమ్ ఉన్నాతాధికారులు దృష్టిలో పడటంతో ఆ దరఖాస్తుని తిరస్కరించారు.
ప్రభుత్వాన్ని ఇరుకున పెడతామని చూసిన అతనిపై ప్రభుత్వ అధికారులు కేసు పెట్టారు. దీంతో అతడిని పోలీసులు అరెస్టు చేశారు. గురువారం అతడిపై సెక్షన్ 469 కింద బహారియాబాద్ పోలీస్ స్టేషన్లో కేసు నమోదు చేశారు. పోలీసులు విచారణలో తాను కేవలం సరదా కోసమే కుక్క ఫోటోని అప్లోడ్ చేశానని కంప్యూటర్ ఆపరేటరైన మనీష్ కుమార్ వెల్లడించినట్లు తెలిపారు.
Click it and Unblock the Notifications
Sign in with Google