థియేటర్‌లో.. నటికి లైంగిక వేధింపులు! తాగిన మైకంలో ఏం చేశాడంటే...

ప్రముఖ మరాఠీ నటి ప్రియా బెర్డేకు సినిమా థియేటర్ లో షాకింగ్ అనుభవం ఎదురైంది. ఆమె పక్క సీటులోనే కూర్చున్న ఓ తాగుబోతు ఆమెను లైంగికంగా వేధించాడు.

ముంబై: ప్రముఖ మరాఠీ నటి ప్రియా బెర్డేకు సినిమా థియేటర్ లో షాకింగ్ అనుభవం ఎదురైంది. ఆమె పక్క సీటులోనే కూర్చున్న ఓ తాగుబోతు ఆమెను లైంగికంగా వేధించాడు.

దివంగత నటుడు లక్ష్మీకాంత్ బెర్డే సతీమణి అయిన ప్రియా బెర్డే తన కుమార్తెతో కలిసి శనివారం సాయంత్రం ముంబైలోని ఓ థియేటర్ కు వచ్చారు. సినిమా ప్రదర్శిస్తున్న సమయంలో ఆమె పక్క సీటులో కూర్చున్న వ్యక్తి ఆమెను తాకడం మొదలుపెట్టాడు.

ఆమెను లైంగికంగా వేధించడమే కాదు, ఆ తరువాత సదరు తాగుబోతు ఆమెపై ఏకంగా దాడికి పాల్పడ్డాడు. దీంతో ప్రియా బెర్డే వెంటనే థియేటర్ సెక్యూరిటీ సిబ్బందికి సమాచారం అందించారు.

పారిపోబోయిన ఆ తాగుబోతును సెక్యూరిటీ సిబ్బంది పట్టుకుని పోలీసులకు అప్పగించారు. ఈ ఘటనపై ప్రియా బెర్డే పోలీసులకు లిఖిత పూర్వకంగా ఫిర్యాదు కూడా చేశారు.

నిందితుడు స్థానిక వ్యాపారి సునీల్ జానీ(43)గా గుర్తించారు. అతడు తాగిన మైకంలో ఆమె పట్ల అసభ్యంగా ప్రవర్తించినట్లు పోలీసులు ధ్రువీకరించారు. కామెడీ పాత్రలు ఎక్కువగా పోషించే ప్రియా బెర్డే మరాఠీలో, బాలీవుడ్ లో పలు సినిమాల్లో నటించారు. బాలీవుడ్ సినిమా 'హమ్ ఆప్ కే హై కౌన్' సినిమాలో కూడా నటించిన ఈమె గాయని కూడా.

English summary

Popular Marathi actor Priya Berde, wife of late actor Laxmikant Berde, was reportedly molested in a theatre hall in Mumbai. The incident took place when the actor was out with her daughter.According to an India.com report, a person sitting behind the actor started molesting her and later even assaulted her. The actor immediately alerted the theatre security after which the person was arrested. She also filed a police complaint against the accused. Police later clarified that the accused was drunk and was continuously disturbing the actor. Priya is a noted singer-dancer who routinely features in Marathi films.