పెళ్లి చేసుకుంటానని ఏడాది పాటు వివాహితపై రేప్

జైపూర్: పెళ్లి చేసుకుంటానని హామీ ఇచ్చి ఏడాది పాటు తనపై అత్యాచారం చేశాడని భర్త నుంచి విడిపోయిన ఓ వివాహిత 21 ఏళ్ల యువకుడిపై ఆరోపణ చేసింది. ఈ సంఘటన రాజస్థాన్‌లో జరిగింది. నిందితుడు సద్దాంతో 22 ఏళ్ల మహిళ ఏడాదిగా వాన్ తలాబ్ ప్రాంతంలో సహజీవనం చేస్తోంది.

సద్దాం మే 25వ తేదీన మరో అమ్మాయిని పెళ్లి చేసుకుంటున్నట్లు బాధితురాలి దృష్టికి వచ్చిందని పోలీసులు చెప్పారు. మొదటి భర్తతో మహిళకు ఒక కుమారుడు కూడా ఉన్నాడు. అంబర్ పోలీసు స్టేషన్‌లో సద్దాంపై మహిళ ఆదివారం ఫిర్యాదు చేసింది.

సద్దాంను పోలీసులు అరెస్టు చేసి, సోమవారం కోర్టులో ప్రవేశపెట్టారు. కోర్టు అతన్ని జైలుకు పంపించింది. మహిళ వాంగ్మూలాన్ని నమోదు చేయనున్నారు. మహిళను వైద్యపరీక్షల నిమిత్తం ఆస్పత్రికి పంపించనున్నారు.

English summary

A married woman, who was separated from her husband, has accused a 21-year-old youth of raping her for over a year on the pretext of marriage.