బస్సు స్టీరింగ్పై కోతి: ప్రమాదకరమైన డ్రైవింగ్ కారణంగా డ్రైవర్ సస్పెన్షన్ (వీడియో)
దావణగెరె: కర్ణాటకలోని దావణగెరెలో ఓ బస్సు డ్రైవర్ ఓ కోతి కారణంగా ఉద్యోగం నుంచి సస్పెండ్ అయ్యారు. కర్ణాటక ట్రాన్సుపోర్ట్ కార్పోరేషన్కు చెందిన బస్సు డ్రైవర్ బస్సును నడుపుతుండగా ఓ కోతి స్టీరింగ్ పైన కూర్చొని ఉంది. డ్రైవర్ అలాగే బస్సును నడిపాడు.
ఈ విషయం అధికారుల దృష్టికి వెళ్లింది. దీంతో అతనిని సస్పెండ్ చేస్తున్నట్లు శనివారం నాడు అధికారులు ప్రకటించారు. డ్రైవర్ దానిని పక్కకు తొలగించకుండా అలాగే ప్రమాదకరంగా బస్సును నడిపాడు. ఇందుకు సంబంధించిన వీడియోలు, ఫోటోలు సోషల్ మీడియాలో వైరల్ అయ్యాయి.
#WATCH Viral video from Karnataka's Davanagere of a KSRTC bus driver driving with a Langur perched on the steering wheel. The bus driver has been suspended for endangering the lives of the passengers. pic.twitter.com/RexZAfKZdr
— ANI (@ANI) October 6, 2018
దావణగెరె డిపో బస్సును ఒకటో తేదీన డ్రైవర్ ప్రకాష్ ప్రయాణికుల కోసం సిద్ధం చేశాడు. దావణగెరె నుంచి చిత్రదుర్గ జిల్లా ఆలికల్లు గ్రామానికి బయలుదేరారు. ఆ వాహనంలోకి కోతి జొరపడింది. అది డ్రైవర్ వద్దకు వెళ్లి స్టీరింగ్పై కూర్చుంది. అయినా డ్రైవర్ బస్సును అలానే నడిపించాడు.
ఆ సమయంలో ఏదైనా సంభవించి ఉంటే బస్సులోని అనేక మంది ప్రయాణికులు ప్రమాదంలో చిక్కుకునేవారనే ఆందోళన వ్యక్తమైంది. ఈ సంఘటనపై అధికారులు విచారణ జరిపిస్తున్నారు. ఆ సమయంలో బస్సులో దాదాపు 30 మంది ప్రయాణీకులు ఉన్నారు.
Click it and Unblock the Notifications
Sign in with Google