Mother Fight With Tiger: కొడుకు కోసం పులితో పోరాడిన తల్లి.. అమ్మ ప్రేమ ముందు తలొగ్గిన మృగం..
ఒంటిల సత్తువ వత్తిగా జేసి.. నెత్తిటి చుక్కను చమురుగా పోసి పసిబిడ్డలోన ప్రాణ దీపాన్ని వెలింగించ బూనినవే నీ ఉసురు ఎళ్లిపోతున్నగానీ.. ఎముని గుమ్మనికి ఎదురుగా నిలబడి కలబడి కోట్లాడినవే అమ్మ అని ఓ కవి రాశాడు. కవి రాసింది అక్షరాల నిజం చేసింది ఓ తల్లి. చావును కూడా లెక్క చేయకుండా బిడ్డను కాపాడుకుంది. ఈ ఘటన మధ్యప్రదేశ్ లో జరిగింది.
15 నెలల పసిబిడ్డ
మధ్యప్రదేశ్లోని ఉమారియాలో ఓ మహిళ తన 15 నెలల కొడుకును రక్షించేందుకు పులితో పోరాడింది. పులి నోట్లో చిక్కుకున్న తన బిడ్డను కాపాడేందుకు వీర తల్లి తీవ్రంగా పోరాడింది. ఆ తల్లి సంకల్పం ముందు ఓడిపోయింది. బిడ్డను వదిలి పారిపోయింది. ఈ ఘటనలో తల్లీకొడుకు తీవ్రంగా గాయపడ్డారు. చికిత్స కోసం ఇద్దరినీ జబల్పూర్లోని ఆస్పత్రికి తరలించారు.
అడవిలోకి
మధ్యప్రదేశ్లోని బాంధవ్ఘర్ టైగర్ రిజర్వ్ సరిహద్దులోని రోహనియా గ్రామంలో ఆదివారం ఉదయం ఈ ఘటన జరిగింది. గ్రామానికి చెందిన భోలా చౌదరి భార్య అర్చన తన 15 నెలల కుమారుడిని ఆడించడానికిఇంటికి దూరంగా తీసుకెళ్లింది. అప్పటికే అక్కడ పులి ఉంది. అర్చన తన కుమారుడితో అక్కడికి చేరుకోగానే పులి దాడి చేసి చిన్నారిని లాక్కెళ్లింది.
పులితో పోరాటం
అర్చన ఏ మాత్రం ఆలోచించకుండా, భయాందోళన చెందకుండా, అర్చన తన కొడుకును రక్షించడానికి పులిని తలపైకి తీసుకుంది. తీవ్రంగా గాయపడినప్పటికీ వదిలిపెట్టలేదు. చివరికి తన బిడ్డను రక్షించుకుంది. స్థానికులు తల్లీకొడుకులను మాన్పూర్ కమ్యూనిటీ హెల్త్ సెంటర్లో చేర్పించారు. ప్రథమ చికిత్స అనంతరం, గాయపడిన మహిళను జబల్పూర్కు తరలించారు. ప్రస్తుతం ఆమె పరిస్థితి నిలకడగా ఉంది.
ధైర్యం చూపిన అమ్మ
ఈ ఘటన తల్లి ప్రేమకు నిదర్శనంగా నిలిచింది. అమ్మ ధైర్యాన్ని ప్రపంచానికి చాటి చెప్పింది. అందుకే అంటారు.. లేరమ్మ గొప్ప వారు నీకన్నా ఇలలోన.. లేరమ్మ నీ కన్నా గొప్ప వారు భూవిలోన.. సల్యూట్ అమ్మ..
Click it and Unblock the Notifications
Sign in with Google