కన్న కూతుర్నే వ్యభిచార కూపంలోకి నెట్టింది
బుర్ద్వాన్: కంటికి రెప్పలా కాపాడాల్సిన ఓ కన్న తల్లి పేగు పంచుకుపుట్టిన కూతుర్ని(13) డబ్బులకు ఆశపడి వ్యభిచార కూపంలోకి నెట్టేసింది. పశ్చిమ బంగాలోని బుర్ద్వాన్ జిల్లాలో జరిగిన ఈ ఘటన ఆలస్యంగా వెలుగులోకి వచ్చింది.
వివరాల్లోకి వెళితే.. మెమరీ ప్రాంతానికి చెందిన ఒక మహిళ జనవరి 5న తన 13 ఏళ్ల కుమార్తెను కోల్కతాలోని మరో మహిళకు అమ్మేసింది. అక్కడ ఆ బాలికపై కొందరు లైంగిక దాడికి పాల్పడ్డారు.
అనంతరం బాలికతో పాటు మరికొందరిని ఉత్తరప్రదేశ్కు తరలిస్తుండగా.. బాధిత బాలిక తప్పించుకుంది. ఆ తర్వాత బుర్ద్వాన్ పోలీస్ స్టేషన్కు చేరుకుంది. జరిగిన విషయాన్ని చెప్పి.. తన తల్లిపై ఫిర్యాదు చేసింది.
రూ. 60వేలకు తన తల్లి తనను అమ్మేసిందని.. తాను దుండగుల నుంచి తప్పించుకున్నానని తెలిపింది. ఆమె ఫిర్యాదు మేరకు కేసు నమోదు చేసుకున్న పోలీసులు.. బాలిక తల్లిని అరెస్టు చేసి విచారణ చేపట్టారు.