భారత కుబేరుల జాబితా విడుదల: దేశంలో యంగెస్ట్ బిలియనీర్ ఎవరంటే?

Hurun Rich List 2025 : M3M హురున్ ఇండియా రిచ్ లిస్ట్ 2025 విడుదలైంది. ఈ జాబితాలో చేర్చబడిన బిలియనీర్ల మొత్తం సంపద రూ.167 లక్షల కోట్లకు చేరుకుంది. ఇది ఇండియూ స్థూల జాతీయోత్పత్తి(జీడీపీ)లో దాదాపు సగం కావడం విశేషం. ఈ జాబితాలో రిలయన్స్ ఇండస్ట్రీస్ ఛైర్మన్ ముఖేష్ అంబానీ మరోసారి నంబర్ వన్ స్థానాన్ని దక్కించుకున్నారు.

బిలియనీర్ల హబ్‌గా భారత్

బిలియనీర్ల సంఖ్య పెరుగుదల: భారత్ ఇప్పుడు బిలియనీర్లకు కొత్త హబ్‌గా మారుతోంది. ఈ తాజా జాబితా ప్రకారం.. భారతీయ బిలియనీర్ల సంఖ్య 350కి పైగా పెరిగింది. భారతీయ బిలియనీర్ల సంఖ్య గత 13 ఏళ్లలో ఆరు రెట్లు పెరిగింది.

దేశంలో టాప్-3 సంపన్నులు వీరే..

హురున్ ఇండియా రిచ్ లిస్ట్-2025 ప్రకారం.. దేశంలో అత్యంత ధనవంతులు వీరే:

ముఖేష్ అంబానీ & ఫ్యామిలీ: రూ.9.55 లక్షల కోట్ల నికర విలువతో ఇండియాలో అత్యంత ధనవంతుడిగా మరోసారి నిలిచారు.

గౌతమ్ అదానీ & ఫ్యామిలీ: రూ.8.15 లక్షల కోట్ల సంపదతో రెండో స్థానంలో ఉన్నారు.

రోషిణి నాడార్ మల్హోత్రా: రూ.2.84 లక్షల కోట్ల సంపదతో మూడో స్థానంలో నిలిచారు. ఈమె చరిత్రలో టాప్-3లో స్థానం సంపాదించిన మొట్టమొదటి అత్యంత ధనవంతురాలైన మహిళగా రికార్డు సృష్టించారు.

జాబితాలో ప్రముఖులు:

షారుఖ్ ఖాన్: బాలీవుడ్ కింగ్ ఖాన్ షారుఖ్ ఖాన్ తొలిసారిగా ఈ బిలియనీర్ల క్లబ్‌లో చేరారు. ఆయన నికర సంపద రూ.12,490 కోట్లుగా అంచనా వేయబడింది.

అతి పిన్న వయస్కుడైన బిలియనీర్: 31 ఏళ్ల అరవింద్ శ్రీనివాస్ (పెర్‌ప్లెక్సిటీ వ్యవస్థాపకుడు) రూ.21,190 కోట్ల నికర విలువతో ఇండియాలో అత్యంత పిన్న వయస్కుడైన బిలియనీర్‌గా నిలిచారు.

సంపదలో భారీ పెరుగుదల: నీరజ్ బజాజ్ అండ్ ఫ్యామిలీ సంపద అత్యధికంగా రూ.69,875 కోట్లు పెరిగింది. వీరి నికర విలువ ఇప్పుడు రూ.2.33 లక్షల కోట్లకు చేరుకుంది.

English summary

The M3M Hurun India Rich List 2025 confirms Mukesh Ambani as No. 1. 31-year-old Arvind Srinivas is the Youngest Billionaire in India. Shah Rukh Khan features for the first time with a net worth of ₹12,490 Cr.