ఐఎన్ఎస్ సంధాయక్‌లో అధికారిపై జూనియర్ల దాడి: హెలికాప్టర్‌తో వెంబడించిన నేవీ

భారత నేవీకి చెందిన సర్వే షిప్‌ ఐఎన్‌ఎస్‌ సంధాయక్‌పై నలుగురు నావికులు.. ఓ నేవీ అధికారికి మధ్య ఘర్షణ చోటుచేసుకుంది. సంధాయక్‌ ఒడిశా తీరంలో ఉండగా నలుగురు నావికులు..

న్యూఢిల్లీ: భారత నేవీకి చెందిన సర్వే షిప్‌ ఐఎన్‌ఎస్‌ సంధాయక్‌పై నలుగురు నావికులు.. ఓ నేవీ అధికారికి మధ్య ఘర్షణ చోటుచేసుకుంది. సంధాయక్‌ ఒడిశా తీరంలో ఉండగా నలుగురు నావికులు.. ఓ సీనియర్ నేవీ అధికారిపై దాడి చేశారు. అధికారులు తెలిపిన వివరాల ప్రకారం... సంధాయక్‌లోని నేవీ అధికారి ఆదేశాలను నావికులు సరిగ్గా పట్టించుకోకుండా నిర్లక్ష్యంగా వ్యవహరించారని తెలిపారు.

ఆ నలుగురు నావికులను సదరు అధికారి సర్వే మోటార్‌ పడవలను తీయమన్నారు. అలాగే నలుగురు నావికులను అటెన్షన్‌లో నిలబడమని చెప్పగా.. ఒకరు నిర్లక్ష్యంగా సరిగ్గా నిలబడలేదు. దీంతో ఆ అధికారి అతడిని సరిగ్గా నిలబెట్టే ప్రయత్నం చేశారు. ఆగ్రహించిన నావికుడు అధికారిపై చేయి చేసుకున్నట్లు సమాచారం.

ఆ సమయంలో మిగతా నావికులు కూడా అతడితో కలిసి అధికారిపై దాడి చేసినట్లు తెలుస్తోంది. సమాచారం అందుకున్న భద్రతా సిబ్బంది వెంటనే రంగంలోకి దిగి పరిస్థితి అదుపు చేసే ప్రయత్నం చేశారు. హెలికాప్టర్‌ను పిలిపించి నలుగురు నావికులను నావపై నుంచి పంపించేశారు. ఆ నలుగురు క్రమశిక్షణా చర్యలు ఎదుర్కోనున్నారు. ఈ ఘటనపై ఓ దర్యాప్తు బృందం ఇప్పటికే విచారణ ప్రారంభించింది.

ఇలాంటి చర్యలను నేవీ సహించబోదని, తాము క్రమశిక్షణ విషయంలో ఉన్నత స్థాయి ప్రమాణాలను పాటిస్తామని నేవీ ఓ ప్రకటనలో స్పష్టం చేసింది. ఈ ఘటన అనంతరం ఐఎన్‌ఎస్‌ సంధాయక్‌ తిరిగి కార్యకలాపాలు ప్రారంభించింది. సంధాయక్‌ సముద్ర ఉపరితలంపై, సముద్ర గర్భంలోనూ సర్వే నిర్వహించి సమాచారం సేకరిస్తుంది. కాగా, సంధాయక్ 2001లో నేవీలో చేరింది.

English summary

Four young sailors were airlifted from INS Sandhayak and a Board of Inquiry (BoI) initiated against them after acts of indiscipline and insubordination and assault on his senior officer.