న్యూ ఇయర్ గిఫ్ట్.. వంటగ్యాస్ ధర తగ్గింపు

ఢిల్లీ : వంటగ్యాస్ ధర తగ్గిస్తూ వినియోగదారులకు న్యూ ఇయర్ గిఫ్ట్ అందించింది ఇండియన్ ఆయిల్ కార్పొరేషన్. 14.2 కేజీల సబ్సిడీ సిలిండర్ పై 5 రూపాయల 91 పైసలు తగ్గించింది. కొత్త ధరలు తక్షణమే అమల్లోకి వచ్చాయి. దీంతో ఢిల్లీలో 500 రూపాయల 90 పైసలు ధర ఉన్న సిలిండర్ కాస్ట్..

494 రూపాయల 99 పైసలకు తగ్గినట్లైంది. దీంతో 30 రోజుల వ్యవధిలో రెండు సార్లు సిలిండర్ ధరలు దిగొచ్చాయి. వాస్తవానికి 2018, జూన్ నుంచి సిలిండర్ ధరలు పెరుగుతూనే ఉన్నాయి. అయితే నవంబర్ 30న సబ్సిడీ సిలిండర్లపై 6 రూపాయల 52 పైసలు తగ్గింది.

కొత్త సంవత్సరం కానుకగా సిలిండర్ ధర తగ్గినప్పటికీ.. మార్కెట్ అంచనాలతో ఈ నిర్ణయం తీసుకున్నారు ఐఓసీ అధికారులు. చమురు ధరలు తగ్గుముఖం పట్టడం.. డాలర్ తో పోల్చి చూస్తే రూపాయి విలువ కొంతమేర బలపడటం దీనికి కారణం. రాయితీ లేని సిలిండర్ల ధర 120 రూపాయల 50 పైసలు తగ్గింది. ఢిల్లీలో 809 రూపాయల 50 పైసలు ఉండగా కొత్త ధర 689 రూపాయలు ఉండనుంది.

English summary

Indian Oil Corporation has given New Year gift to consumers to reduce the price of cooking gas. 14.2 kg subsidy cylinder reduced by Rs 5 to 91 paise. The new prices came into play immediately.