నగ్న చిత్రంతో ప్రకటన: మహిళా జర్నలిస్టుల నిరసన

న్యూఢిల్లీ: ఢిల్లీలోని రాజీవ్‌చౌక్ స్టేషన్ వద్ద ఓ మహిళ నగ్న చిత్రాన్ని ప్రకటన రూపంలో ఉంచడాన్ని వ్యతిరేకిస్తూ మహిళా జర్నలిస్టులు నిరసన చేపట్టారు. ఆ చిత్రాన్ని వెంటనే తొలగించాలని, ఈ చర్యకు పాల్పడిన వారిని శిక్షించాలని వారు డిమాండ్ చేశారు. ఈ ఘటనను తీవ్రంగా ఖండిస్తున్నట్లు తెలిపారు.

ఆ ప్రకటనలో ఒక మహిళ నగ్నంగా.. టేపుతో చుట్టబడి మాత్రమే ఉందని మహిళా జర్నలిస్టు ఆకాంక్ష కుమారి సోమవారం మీడియాకు తెలిపారు. ఈ ప్రకటన అర్థమేమిటని ఆమె ప్రశ్నించారు. అంటే ప్రకటనలో ఆ మహిళను అమ్మకానికి ఉంచినట్లా? అని ఆమె ఆగ్రహం వ్యక్తం చేశారు.

తాము ఈ ఘటనపై మెట్రో అధికారులకు ఫిర్యాదు చేసినట్లు ఆకాంక్ష కుమారి తెలిపారు. అయితే ఇప్పటి వరకు అధికారులు ఎలాంటి చర్యలు తీసుకోలేదని చెప్పారు. దీనిపై ప్రశ్నించేందుకు ప్రయత్నించగా.. మెట్రో అధికారులు అందుబాటులో లేకపోవడంతో ఎలాంటి సమాధానం లభించలేదు.

English summary

A group of women journalists on Sunday lodged a protest with Delhi Metro against an advertisement featuring a nude woman at the Rajiv Chowk station.