రాత్రి 11.30కి ఆ పోస్టు చేసి షాక్!: బీజేపీ ఎమ్మెల్యే ఫేస్‌బుక్ ఖాతాలో అశ్లీల వీడియో..

రాత్రి 11.30గం. సమయంలో రెండు నిమిషాల నిడివి గల ఈ వీడియో పోస్టవడంతో.. ఎమ్మెల్యే అనుచరులు ఒక్కసారిగా షాక్‌కు గురయ్యారు.

ఆగ్రా: ఉత్తరప్రదేశ్ బీజేపీకి చెందిన ఓ ఎమ్మెల్యే ఫేస్‌బుక్ పేజీలో అశ్లీల వీడియో దర్శనమిచ్చింది. ఇద్దరు యువకులు ఓ యువతిపై అత్యాచారానికి యత్నిస్తుండగా.. వద్దంటూ ఆమె వారిని వేడుకుంటున్నట్లుగా ఆ వీడియోలో కనిపిస్తోంది. అయితే ఈ వీడియోతో తమకెలాంటి సంబంధం లేదని, దీనిపై పోలీసులకు ఫిర్యాదు చేశామని ఎమ్మెల్యే తెలిపారు.

ఉత్తరప్రదేశ్ లోని ఇగ్గాస్ నియోజకవర్గానికి చెందిన బీజేపీ ఎమ్మెల్యే రాజ్ వీర్ దిలేర్ ఫేస్ బుక్ ఖాతాలో ఈ వీడియో పోస్టయింది. రాత్రి 11.30గం. సమయంలో రెండు నిమిషాల నిడివి గల ఈ వీడియో పోస్టవడంతో.. ఎమ్మెల్యే అనుచరులు ఒక్కసారిగా షాక్‌కు గురయ్యారు. విషయంపై స్పందించిన బీజేపీ ఎమ్మెల్యే రాజ్ వీర్ దిలేర్.. ఇది తమ చర్య కాదని వివరణ ఇచ్చారు.

బుధవారం రాత్రి తాను ఢిల్లీలో ఉన్నానని, రాష్ట్రపతి ఎంపిక గురించి జరిగిన చర్చలో భాగంగా బీజేపీ నేతల సమావేశంలో పాల్గొన్నానని తెలిపారు. తిరిగి తెల్లవారుజాము 2.30గం.కు ఇంటికి వచ్చానని పేర్కొన్నారు. తనపై రాజకీయ కక్షతోనే ఎవరో ఉద్దేశపూర్వకంగా ఈ చర్యకు పాల్పడ్డారని అన్నారు. కావాలనే తన ఖాతాను హ్యాక్ చేసి.. అశ్లీల వీడియో పోస్టు చేశారని ఆరోపించారు.

అలీఘడ్ సీనియర్ ఎస్పీ రాజేశ్ కుమార్ పాండేను కలిసి దీనిపై ఫిర్యాదు చేశామని ఎమ్మెల్యే తెలిపారు. ఎస్పీ స్పందిస్తూ.. ఐపీ అడ్రస్ ద్వారా నిందితులను పట్టుకుని, వారిపై కేసు నమోదుచేస్తామన్నారు.

English summary

Hundreds of Facebook users were in for a shock on Thursday when an obscene video, shared from the timeline of BJP’s Iglas MLA Rajvir Diler, showed up in their social media feed.