అసభ్య ఫోటోలు తీసి, కోరిక తీర్చమన్న విద్యార్థి, అరెస్ట్
జైపూర్(ఒడిశా): తనతో సెక్సువల్ రిలేషన్ పెట్టుకోవాలని ఓ విద్యార్థి డిమాండ్ చేశాడు. దానికి యువతి ససేమీరా అంది. దీంతో, ఆమెను అసభ్యకరరీతిలో తీసిన ఫోటోలను ఇంటర్నెట్లో పెడతానని బెదిరించాడు. ఈ సంఘటన ఒడిశాలో చోటు చేసుకుంది.
తనతో సంబంధం వద్దని చెప్పినందుకు ఫోటోలు పెడతానని బెదిరించిన అతను ఆమె ఫోటోలు నెట్లో పెట్టాడు. దీంతో ఆమె పోలీసులకు ఫిర్యాదు చేసింది. పోలీసులు అతనిని అరెస్టు చేశారు.
పన్నెండో తరగతి చదువుతున్న ఓ వ్యక్తి 17 ఏళ్ల బాలిక ఫోటోలను అసభ్యకరరీతిలో తీశాడు. ఆరు నెలల క్రితం ఓ టూరిస్ట్ స్పాట్కు వెళ్లినప్పుడు ఆమె ఫోటోలను తీశాడు.
ఆ తర్వాత ఆ ఫోటోలను చూపించి ఆమెను బ్లాక్ మెయిల్ చేయడం ప్రారంభించాడు. వాటిని చూపించి తన కోరిక తీర్చాలని డిమాండ్ చేశాడు. అతని ప్రపోజల్ను ఆమె తిరస్కరించింది. దీంతో ఫోటోలను నెట్లో పెడతానని బెదిరించి, ఆ తర్వాత అన్నంత పని చేశాడు.
ఈ విషయాన్ని ఆ బాధిత బాలిక తన తల్లిదండ్రులకు చెప్పింది. ఆ తండ్రి పోలీసులకు సోమవారం ఫిర్యాదు చేశాడు. నెట్లో అసభ్యకర ఫోటోలు పెట్టారని చెప్పాడు. అతని ఫిర్యాదు మేరకు పోలీసులు మంగళవారం నాడు నిందితుడిని అరెస్టు చేశారు. అతనిని జ్యూడిషియల్ కస్టడీకి తరలించారు.
Click it and Unblock the Notifications
Sign in with Google