రుణం కోసం వెళితే కోరిక తీర్చాలంటూ.: మేనేజర్‌ను కర్ర, చెప్పుతో చితకబాదిన మహిళ(వీడియో)

బెంగళూరు: రుణం ఇవ్వాలంటే తన కోరిక తీర్చాల్సిందేనంటూ అసభ్యకరంగా ప్రవర్తించిన ఓ బ్యాంకు మేనేజర్‌ను చితకబాదింది ఓ మహిళ. అపర కాళీగా ఆగ్రహం వ్యక్తం చేస్తూ కర్రతోపాటు చెప్పులతో ఈడ్చి ఈడ్చి తంతూ చితక బాదింది. ఈ ఘటన కర్ణాటకలో చోటు చేసుకుంది. ప్రస్తుతం ఇందుకు సంబంధించిన వీడియో వైరల్‌గా మారింది.

రుణం కోసం వెళితే ఇంటికి రమ్మన్నాడు

ఘటనకు సంబంధించిన వివరాల్లోకి వెళితే.. దావణగెరె ప్రాంతానికి చెందిన ఓ మహిళ రుణం నిమిత్తం స్థానిక బ్యాంకుకు వెళ్లింది. రుణం కావాలని అడిగితే మేనేజర్.. ఆమెతో అసభ్యకరంగా ప్రవర్తించాడు. అంతేగాక, రుణం మంజూరు చేసే విషయంపై మాట్లాడేందుకు తన ఇంటికి రమన్నాడు.

వికృత చేష్టలకు విసిగిన మహిళ ఏం చేసిందంటే..

ఈ క్రమంలో సరేనని చెప్పిన ఆ మహిళ అతని ఇంటికి వెళ్లింది. ఆ తర్వాత తన కోరిక తీరిస్తేనే రుణం ఇస్తానని సదరు మెనేజర్ వికృత చేష్టలకు పాల్పడ్డాడు. దీంతో తీవ్ర ఆగ్రహానికి గురైన మహిళ.. మేనేజర్‌ను ఇంట్లో నుంచి జుట్టుపట్టి బయటకు ఈడ్చుకొచ్చింది.

కర్ర, చెప్పులతో చావబాదిన మహిళ

ఆ తర్వాత అతడ్ని కర్ర, చెప్పులతో చావబాదింది. ఈ తతంగాన్నంత వీడియో తీసిన కొందరు ఇంటర్నెట్‌లో పెట్టడంతో వైరల్‌గా మారింది. మీడియా కూడా రంగంలోకి దిగడంతో నిజలింగప్ప అనే ప్రాంతానికి చెందిన ఆ మేనేజర్ బాగోతం బయటపడింది.

మహిళపై ప్రశంసల వర్షం

కాగా, బ్యాంకు మేనేజర్‌ను చితకబాదిన బాధితురాలు.. అనంతరం పోలీసులకు సమాచారం ఇచ్చారు. దీంతో అక్కడికి చేరుకున్న పోలీసులు.. నిందితుడిపై కేసు నమోదు చేసి, దర్యాప్తు చేస్తున్నారు. కాగా, తనను వేధింపులకు దిగిన వెంటనే ఏ మాత్రం భయపడకుండా నిందితుడ్ని చావబాది, విషయాన్ని వెలుగులోకి తెచ్చినందుకు సదరు మహిళపై స్థానికులతోపాటు నెటిజన్లు ఆమెపై ప్రశంసల వర్షం కురిపిస్తున్నారు.

English summary

Confronting a bank manager for allegedly demanding sexual favours, a woman is seen thrashing him on the streets in south Karnataka's Davanagere city, some 260 km from Bengaluru.