వివాహేతర సంబంధం: భార్యపై భర్త దాడి, వీడియో రికార్డింగ్
లక్నో: వివాహేతర సంబంధం పెట్టుకొందనే నెపంతో భార్యను చెట్టుకు కట్టేసి తీవ్రంగా చిత్రహింసలు పాల్జేశాడు ఓ భర్త . ఈ ఘటన ఉత్తర్ప్రదేశ్ రాష్ట్రంలో చోటు చేసుకంది. గ్రామ పంచాయితీ పెద్దలు ఇచ్చిన తీర్పుకు అనుగుణంగా భర్త భార్యపై ఈ శిక్షను అమలు చేశాడు. భర్త కొట్టిన దెబ్బలకు తాళళలేక భార్య స్పృహతప్పిపోయింది. అయితే భర్త దెబ్బలు కొడుతుండగా ఈ దృశ్యాలను కొందరు వీడియో తీసి సోషల్ మీడియాలో పోస్ట్ చేశారు. దీంతో పోలీసులు రంగ ప్రవేశం చేసి నిందితులను అరెస్ట్ చేశారు
ఉత్తర్ప్రదేశ్ రాష్ట్రంలోని బులంద్షహర్ జిల్లాలో ఓ ఘోరమైన ఘటన చోటు చేసుకొంది భార్యకు వివాహేతర సంబంధం ఉందని భర్త ఆరోపించాడు. ఈ మేరకు గ్రామంలో పంచాయితీ నిర్వహించాడు అయితే పంచాయితీ పెద్దలు భార్యను చెట్టుకు కట్టేసి కొట్టాలని తీర్పు చెప్పారు.
భార్యను చెట్టుకు కట్టేసి భర్త సైకిల్ ట్యూబ్, టైరు తీసుకొని కొట్టాడు. ఆమెను చెట్టు కొమ్మకు వేలాడదీసి కొడుతుండగా చుట్టూ చేరిన జనం వింతగా చూశారు. కానీ, ఏ ఒక్కరూ కూడ ఈ దారుణాన్ని ఆపేందుకు ప్రయత్నించలేదు. భర్త కొట్టిన దెబ్బలకు ఆమె స్పృహ కోల్పోయింది.
అయితే దారుణాన్ని కొందరు తమ సెల్ఫోన్లలో వీడియో తీసి సోషల్ మీడియాలో అప్లోడ్ చేశారు. దీంతో పోలీసులు రంగ ప్రవేశం చేశారు. చెట్టుకు కట్టేసి కొట్టిన భర్తతో పాటు ఈ శిక్ష విధించిన గ్రామ పెద్దలను అరెస్ట్ చేశారు.