వీడెక్కడి మొగుడురా బాబూ.. భార్య డ్యాన్స్ చేస్తే చంపేసిండు..!

పాట్నా : పెళ్లి వేడుకల్లో డ్యాన్సులు చేయడం కామన్. చిన్నా, పెద్దా చిందులు వేస్తూ.. వెడ్డింగ్ సెర్మనీలు ఉత్సాహంగా జరుపుకుంటారు. అయితే ఓ వివాహం సందర్భంగా.. భార్య డ్యాన్స్ చేసిందనే కారణంతో భర్త ఆమెను చంపేశాడు. బీహార్ లోని పాట్నా జిల్లా హసది ముషారి ఏరియాలో జరిగిన ఈ ఘటన దేశవ్యాప్తంగా చర్చానీయాంశమైంది.

ఖోరంగ్ పూర్ గ్రామానికి చెందిన రంజిత్, మున్యా దేవి దంపతులు.. వారి సమీప బంధువుల వివాహానికి హసది ముషారి గ్రామానికి వచ్చారు. చాలాకాలం తర్వాత బంధువులంతా ఒక్క చోట కలవడంతో.. మున్యా దేవి తల్లి తరపు కుటుంబ సభ్యులు సంతోషంగా గడిపారు. అయితే సోమవారం నాడు రాత్రి జరిగిన పెళ్లి వేడుకలో అందరూ కలిసి డ్యాన్స్ చేశారు. బంధువులతో కలిసి పోయిన మున్యా దేవి కూడా స్టెప్పులేశారు. అయితే ఆ ఆనంద సమయాన మున్యా దేవి భర్త కోపంతో చెలరేగి పోయాడు.

భార్య డ్యాన్స్ చూసి మురిసిపోవాల్సింది పోయి ఆగ్రహానికి గురయ్యాడు. అదే వేడుకలో భార్యను ఇష్టమొచ్చినట్లుగా చితకబాదాడు. బంధువులు చూస్తున్నారనే ధ్యాస కూడా లేకుండా వారి సమక్షంలోనే మున్యా దేవిని అతి దారుణంగా కొట్టాడు. అక్కడితో ఆగకుండా బయటకు లాక్కుంటూ వెళ్లి పక్కనే ఉన్న పశువుల కొట్టం లోకి తీసుకెళ్లి ప్రాణాలు తీశాడు. ఆమె స్పాట్‌లో చనిపోవడంతో.. భర్త అక్కడినుంచి పరారయ్యాడు.

English summary

Dancing on DJ's tune at a wedding ceremony at her parents home proved costly for Munia Devi as she had to pay the price with her life. Her dance angered her husband to a level that he strangulated her to death. The shocking incident took place on Monday night in Hassadih Mushari of Patna district's Masaurhi police station in Bihar.