భారత్‌లో ముగిసిన చైనా అధ్యక్షుడి పర్యటన: రెండ్రోజుల జిన్‌పింగ్ పర్యటన హైలెట్స్

చెన్నై: చైనా అధ్యక్షుడు జిన్‌పింగ్ భారత్‌లో రెండు రోజుల పర్యటన ముగించుకుని నేపాల్ బయలుదేరి వెళ్లారు. అంతకుముందు ప్రధాని నరేంద్ర మోడీతో అనధికారిక సమావేశం నిర్వహించారు. ఇందుకు వేదికగా కోవలంలోని ఫిషర్‌మెన్ కోవ్ రిసార్ట్ వేదికగా నిలిచింది. శనివారం ఉదయం 10 గంటలకు వేదిక వద్దకు చేరుకున్న జిన్‌పింగ్‌కు ప్రధాని మోడీ స్వాగతం పలికారు. ఆ తర్వాత రెండు దేశాధినేతలు పలు అంశాలపై చర్చలు జరిపారు.

శుక్రవారం రోజున మహాబలిపురంలో ప్రధాని నరేంద్ర మోడీ జిన్‌పింగ్‌కు ఘనస్వాగతం పలికారు. అంతకుముందు మహాబలిపురంకు చేరుకున్న ప్రధాని నరేంద్ర మోడీ..తమిళ సంప్రదాయ వస్త్రధారణలో కనిపించి ఆకట్టుకున్నారు. ధోవతీ చొక్కా ధరించిన ప్రధాని కొత్త గెటప్‌లో అట్రాక్ట్ చేశారు. జిన్‌పింగ్‌కు మహాబలిపురం ఆలయ ప్రాశస్త్యాన్ని వివరించారు. పల్లవ రాజులు సముద్రతీరంలో నిర్మించిన షోర్ ఆలయం ప్రపంచవ్యాప్తంగా ప్రసిద్ధి చెందిందని చెప్పారు.

యూనెస్కో మహాబలిపురం ఆలయంను వారసత్వ సంపదగా గుర్తించిందని మోడీ తెలిపారు. ఇరు దేశాధినేతలు ఆలయ ప్రాంగణంలో కలియతిరిగారు. అనంతరం ఇద్దరు నేతలు పలు అంశాలపై చర్చించారు. ఆ తర్వాత తమిళ రుచులతో కూడిన భోజనం చైనా అధ్యక్షుడు జిన్‌పింగ్‌కు విందులో ఏర్పాటు చేశారు. ఇక శనివారం అక్టోబర్ 12న ఇరు దేశాధినేతలు అనధికారిక ద్వైపాక్షిక చర్చలు జరుపుతారు.

మహాబలిపురం వేదికగా జరగనున్న మోడీ జిన్‌పింగ్‌ల సమావేశానికి సంబంధించిన లైవ్ అప్‌డేట్స్ కోసం ఇక్కడ చూడగలరు

English summary

Check out the live coverage of PM Narendra Modi and Chinese President Xi Jinping meet in Mahabalipuram, Chennai for the second informal summit from October 11-12.