PM Surya Ghar: 60 శాతం సబ్సిడీ.. సంవత్సరానికి రూ.15 వేల ఆదాయం..!

కేంద్ర ప్రభుత్వం పీఎం సూర్య ఘర్ ముఫ్త్ బిజిలీ యోజన అనేది ప్రభుత్వ పథకం ద్వారా అర్హులైన వ్యక్తులకు సోలార్ ప్యానెళ్ల కోసం సబ్సిడీలను అందిస్తుంది. ఈ పథకం పొందాలంటే.. భారత పౌరసత్వం అవసరం. ఈ పథకం కావాల్సిన వారు జాతీయ వెబ్‌సైట్‌లో నమోదు చేసుకోవచ్చు. రూఫ్‌టాప్ సోలార్ సిస్టమ్ కోసం తమకు ఇష్టమైన తయారీదారు, సరఫరాదారుడిని కూడా ఎంచుకోవచ్చు. ఫిబ్రవరి 15న ప్రధాని నరేంద్ర మోదీ దీన్ని ప్రవేశపెట్టారు.

సబ్సిడీ ప్యానల్ ధరలో 40 శాతం వరకు వర్తిస్తుంది. గృహాలు నెలవారీ 300 యూనిట్ల ఉచిత విద్యుత్‌ను పొందవచ్చు. ఇది భారతదేశంలోని ఒక కోటి కుటుంబాలకు సహాయం చేయడమే లక్ష్యంగా ఈ పథకాన్ని ప్రవేశపెట్టారు. దీని కోసం ప్రభుత్వం సంవత్సరానికి 75,000 కోట్లు ఖర్చు చేయనుంది. ఈ పథకం రెండు కిలోవాట్ల వరకు ఉన్న సిస్టమ్‌లకు 60 శాతం, రెండు మరియు మూడు కిలోవాట్ల మధ్య ఉన్న సిస్టమ్‌లకు 40 శాతం సబ్సిడీని అందిస్తుంది.

గరిష్టంగా మూడు కిలోవాట్ల సబ్సిడీ ఉంటుంది. అంటే కుటుంబాలు ఒక కిలోవాట్ సిస్టమ్‌కు రూ. 30,000, రెండు కిలోవాట్‌లకు రూ. 60,000, మూడు కిలోవాట్‌లు లేదా అంతకంటే ఎక్కువ ఉంటే రూ.78,000 వరకు రాయితీ పొందవచ్చు. డిస్కమ్‌లకు మిగులు విద్యుత్‌ను విక్రయించడం ద్వారా కుటుంబాలు ఆదాయం పొందవచ్చు. మూడు కిలోవాట్ల యూనిట్‌తో నెలకు 300 యూనిట్ల వరకు వినియోగించే కుటుంబానికి దాదాపు రూ. 15,000 వార్షిక ఆదాయం వస్తుంది.

లోన్ EMIని తీసివేసిన తర్వాత కూడా, కుటుంబాలు నెలవారీ రూ. 1,265 లేదా సంవత్సరానికి రూ. 15,000 ఆదా చేసుకోవచ్చు.నివాస సౌర వ్యవస్థల కోసం తక్కువ-వడ్డీ రుణాలను పొందవచ్చు. వాటి పైకప్పులపై (నివాస RTS వ్యవస్థలు) సౌర ఫలకాలను వ్యవస్థాపించడానికి రుణం మూడు కిలోవాట్ల వరకు ఉంటుంది.

ప్రయోజనాలు:
గృహాలకు ఉచిత విద్యుత్.
పునరుత్పాదక శక్తి వినియోగం పెరుగుతుంది.
కార్బన్ ఉద్గారాలు తగ్గుతాయి.

అర్హత:
ఇంటికి భారతీయ పౌరసత్వం ఉండాలి.
సౌర ఫలకాలను అమర్చడానికి అనువైన పైకప్పు ఉన్న ఇంటిని ఇంటిని కలిగి ఉండాలి.
ఇంటికి చెల్లుబాటు అయ్యే విద్యుత్ కనెక్షన్ ఉండాలి.
సోలార్ ప్యానెళ్లకు గతంలో ఎలాంటి సబ్సిడీ ఉండకూడదు.

ఎలా దరఖాస్తు చేయాలి:
pmsuryaghar.gov.in అధికారిక వెబ్‌సైట్‌కి వెళ్లండి.
నిర్దేశించిన విధంగా మీ రాష్ట్రం, విద్యుత్ సంస్థ, వినియోగదారు నంబర్, మొబైల్ నంబర్, ఇమెయిల్ వంటి మీ వివరాలను పూరించండి.మీ వినియోగదారు నంబర్ మరియు మొబైల్ నంబర్‌ని ఉపయోగించి లాగిన్ చేయండి.అందించిన ఫారమ్‌ను ఉపయోగించి రూఫ్‌టాప్ సోలార్ కోసం దరఖాస్తు చేసుకోండి.ఆన్‌లైన్ దరఖాస్తు ఫారమ్‌ను పూర్తి చేయండి. మీ పైకప్పుపై సౌర ఫలకాలను వ్యవస్థాపించడం సాధ్యమైతే మీ విద్యుత్ సంస్థ ఆమోదించే వరకు వేచి ఉండాలి.

English summary

PM Surya Ghar can get an income of Rs.15 thousand per year. The scheme offers a 60 percent subsidy for systems up to two kilowatts.