• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

వృద్ధుడని కూడా చూడకుండా తలకిందులుగా వేలాడదీసి అమానుషం (వీడియో)

|
Google Oneindia TeluguNews

భోపాల్: మధ్యప్రదేశ్ రాష్ట్రంలోని జబల్పూర్ రైల్వే స్టేషన్‌లో దారుణ ఘటన చోటు చేసుకుంది. ఓ పోలీస్ కానిస్టేబుల్.. వృద్ధుడిని తీవ్రంగా కొట్టాడు. కాలితో తన్నాడు. ఆ తర్వాత తలకిందులుగా రైల్వే ప్లాట్ ఫాంపై వేలాది దీసి తీవ్రంగా దాడి చేశాడు. సోషల్ మీడియాలో ఇందుకు సంబంధించిన వీడియో వైరల్ కావడంతో సదరు కానిస్టేబుల్‌ను ఉన్నతాధికారులు సస్పెండ్ చేశారు.

తప్పుగా ప్రవర్తించాడని వృద్ధుడిని దారుణంగా..

తప్పుగా ప్రవర్తించాడని వృద్ధుడిని దారుణంగా..

విశ్వసనీయ వర్గాల సమాచారం ప్రకారం.. ఆ వృద్ధుడు మద్యంమత్తులో సహ ప్రయాణికులతోపాటు సదరు పోలీసుతోనూ తప్పుగా ప్రవర్తించాడు.
దీంతో ఆగ్రహానికి గురైన సదరు కానిస్టేబుల్ అనంత్ మిశ్రా.. ఆ వృద్ధుడిపై తీవ్రంగా దాడి చేశాడు.

వృద్ధుడని చూడకుండా ఈడ్చుకెళ్లి.. తలకిందులుగా చేసి..

30 సెకన్లపాటు సోషల్ మీడియాలో వైరల్ అవుతున్న ఆ వీడియోలో.. సదరు కానిస్టేబుల్.. ఆ వృద్ధుడిని కాలితో తన్నుతూ దూషించాడు. ముఖంపై కొట్టాడు. అంతేగాక, ఆ వృద్ధుడిని కాళ్లు పట్టుకుని ఈడ్చుకుని వెళ్లి.. రైల్వే ట్రాక్ పై తలకిందులుగా వేలాడదీసి మరీ కాళ్లతో తన్నాడు. ఇదంతా అక్కడే ఆగివున్న రైలులోంచి ఓ ప్రయాణికుడు వీడియో తీసి సోషల్ మీడియాలో పోస్టు చేయడంతో వెలుగు చూసింది.

వీడియో వైరల్ కావడంతో కానిస్టేబుల్ సస్పెండ్

"జబల్‌పూర్ రైల్వే స్టేషన్‌లో వృద్ధుడిని కానిస్టేబుల్ అనంత్ మిశ్రా దాడి చేసిన వీడియో సోషల్ మీడియాలో వైరల్‌గా మారింది. ఈ విషయంపై దర్యాప్తు చేసినప్పుడు.. కానిస్టేబుల్ అనంత్ మిశ్రాను రేవా జిల్లాలోని పోలీస్ స్టేషన్‌లో పోస్ట్ చేసినట్లు తేలింది. కానిస్టేబుల్ అనంత్ మిశ్రాను సస్పెండ్ చేశామని అసిస్టెంట్ సూపరింటెండెంట్ ఆఫ్ పోలీస్ (ఏఎస్పీ) ప్రతిమా పటేల్ తెలిపారు.

ఆ పోలీసుపై నెటిజన్ల ఆగ్రహం.. చూస్తూ ఉండిపోయిన జనం

వృద్ధుడని కూడా చూడకుండా తీవ్రంగా దాడి చేసిన సదరు కానిస్టేబుల్‌పై నెటిజన్లు తీవ్రంగా మండిపడుతున్నారు. అంతేగాక, అక్కడున్నవారంతా చూస్తూ ఉండిపోయారు కానీ.. ఆ కానిస్టేబుల్‌ను అడ్డుకునే ప్రయత్నం మాత్రం ఏ ఒక్కరూ కూడా చేయకపోవడం శోచనీయం. దాడికి పాల్పడిన కానిస్టేబుల్‌ను సస్పెండ్ చేయడంతో అరెస్ట్ చేయాలని, ఉద్యోగం నుంచి పూర్తిగా తొలగించాలని నెటిజన్లు డిమాండ్ చేస్తున్నారు.

English summary
police constable kicks elderly man, hangs him upside down at Madhya Pradesh railway station.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X