Get Updates
Get notified of breaking news, exclusive insights, and must-see stories!

ఆసియానెట్ న్యూస్ ఛానెల్ కార్యాలయంలో పోలీసుల సోదాలు: ఎస్ఎఫ్ఐ నిరసన తర్వాత

By
Time

కొచ్చి:కేరళ రాష్ట్రం కోజికోడ్‌లోని ఆసియానెట్ న్యూస్ ఛానెల్ కార్యాలయాల్లో ఆదివారం పోలీసులు సోదాలు చేశారు. రాష్ట్రంలో పాఠశాల విద్యార్థినులపై జరుగుతున్న లైంగిక వేధింపులకు సంబంధించిన వార్తా కథనాన్ని ఆ ఛానెల్‌లో ప్రసారం చేసిన రెండు రోజుల తరువాత ఈ దాడులు జరిగాయని సదరు మీడియా సంస్థ తెలిపింది.

కేరళ రాష్ట్ర అధికార పార్టీకి చెందిన విద్యార్థి విభాగం ఎస్ఎఫ్ఐ సభ్యులు నిరసనల నేపథ్యంలోనే పోలీసులు సోదాలు నిర్వహించారని పేర్కొంది. ఈ క్రమంలో కేంద్ర మంత్రి రాజీవ్ చంద్రశేఖర్.. కేరళ సీఎం పినరయి విజయన్ ప్రభుత్వంపై మండిపడ్డారు. పోలీసుల చర్య వీడియోను ట్విట్టర్‌లో పంచుకున్నారు.

Police Search TV Channel Asianets Office in Kerala, Days After Left Protest

స్టూడెంట్స్ ఫెడరేషన్ ఆఫ్ ఇండియా (ఎస్ఎఫ్ఐ) కార్యకర్తల బృందం శుక్రవారం కోజికోడ్‌లోని మలయాళ వార్తా ఛానెల్ ఆసియానెట్ న్యూస్ కార్యాలయంలోకి బలవంతంగా ప్రవేశించి, ప్రసారమైన వార్తా నివేదికపై సిబ్బందిని బెదిరించినట్లు పోలీసులు తెలిపారు.

టీవీ ఛానల్ ఇచ్చిన ఫిర్యాదు ఆధారంగా అధికార కమ్యూనిస్ట్ పార్టీ ఆఫ్ ఇండియా (మార్క్సిస్ట్) లేదా సీపీఐ(ఎం) విద్యార్థి విభాగం అయిన ఎస్‌ఎఫ్‌ఐకి చెందిన దాదాపు 30 మంది కార్యకర్తలపై కేసు నమోదు చేశారు.

ఫిర్యాదు ప్రకారం.. ఎస్‌ఎఫ్‌ఐ కార్యకర్తలు రాత్రి 8 గంటలకు కార్యాలయంలోకి ప్రవేశించారని, సెక్యూరిటీ సిబ్బందిని పక్కకు నెట్టి, సంస్థ ఉద్యోగులను బెదిరించి న్యూస్ ఛానెల్‌కు వ్యతిరేకంగా నినాదాలు చేశారని పోలీసులు తెలిపారు.

ఉత్తర కేరళలోని ఒక పాఠశాలలో 10 మందికి పైగా బాలికలపై జరిగిన లైంగిక వేధింపుల గురించి మైనర్ బాలికను ఉపయోగించి "నకిలీ వార్తలు" సృష్టించినట్లు న్యూస్ ఛానెల్‌పై ఫిర్యాదు ఉందని సీపీఐ(ఎం) వర్గాలు శనివారం ఆరోపించాయి. ఎస్‌ఎఫ్‌ఐ ఎర్నాకులం జిల్లా కమిటీకి చెందిన వర్గాలు ఈ చర్యను సమర్థించుకునే ప్రయత్నం చేశాయి. నకిలీ వార్తలకు నిరసనగా విద్యార్థి సంఘం మీడియా సంస్థ కొచ్చి కార్యాలయానికి మార్చ్ నిర్వహించింది.

కేరళ రాష్ట్రంలో డ్రగ్స్ మహమ్మారిపై గత ఏడాది తన కార్యక్రమంలో భాగంగా న్యూస్ ఛానెల్ కథనాన్ని ప్రసారం చేసింది. ఎస్ఎఫ్ఐ చర్యను విమర్శిస్తూ.. ప్రెస్ క్లబ్ ఆఫ్ ఇండియా ఈ సంఘటనపై దర్యాప్తు ప్రారంభించాలని కేరళ ప్రభుత్వాన్ని కోరింది. మీడియా సంస్థ కార్యాలయంలోకి వచ్చి బెదిరింపులకు పాల్పడటం పత్రికా స్వేచ్ఛను హరించడమేనని, నిందితులపై కఠిన చర్యలు తీసుకోవాలని ప్రెస్ క్లబ్ ఆఫ్ ఇండియా ట్విట్టర్ వేదికగా డిమాండ్ చేసింది.

More From
Prev
Next
Read more about:

kerala police tv channel kozhikode కేరళ పోలీసులు కోజికోడ్

Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+
Sign Out