Prakash Raj: ప్రకాశ్ రాజ్ మరో సంచలన ట్వీట్ వైరల్..

ప్రముఖ నటుడు ప్రకాశ్ రాజ్ ఇటీవల తరచుగా వార్తల్లో నిలుస్తున్న విషయం తెలిసిందే. వివాదాస్పద ట్వీట్లతో గత నాలుగు రోజులుగా తెలుగు రాష్ట్రాల రాజకీయాల్లో హాట్ టాపిక్ గా మారిన విషయం తెలిసిందే. అయితే తాజాగా మరో కీలక ట్వీట్ చేశారు ప్రకాశ్ రాజ్. దేశ రాజధాని దిల్లీలోని జంతర్ మంతర్ వద్ద కాక్రోచ్ జనతా పార్టీ ఆధ్వర్యంలో భారీ నిరసన కార్యక్రమం చేపట్టిన విషయం తెలిసిందే. నీట్ ప్రశ్నాపత్రం లీక్, సీబీఎస్‌ఈ, సీయూఈటీ-యూజీ పరీక్షల నిర్వహణలో లోపాలు, దేశ విద్యావ్యవస్థలో మార్పులు తీసుకురావాలనే ఉద్దేశంతో ఈ నిరసనలు చేపట్టినట్లు విద్యార్థులు చెబుతున్నారు. ఈ క్రమంలో కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా చేయాలని డిమాండ్ చేస్తున్నారు.

ఈ నిరసనల్లో కాక్రోచ్ జనతా పార్టీ ఫౌండర్ అభిజీత్ దిప్కే ప్రత్యేక ఆకర్షణగా నిలిచారు. అలాగే సామాజికకార్యకర్త, పర్యావరణ ఉద్యమకారుడు సోనమ్ వాంగ్చుక్ కూడా ఈ నిరసనల్లో పాల్గొని విద్యార్థులకు మద్దతుగా నిలిచారు. ఈ క్రమంలో సోనమ్ ను తమ విద్యాశాఖ మంత్రిగా బాధ్యతలు చేపట్టాలని విద్యార్థులు కోరారు. ఈ ప్రతిపాదనను సోనమ్ సున్నితంగా తిరస్కరించారు. తనకు రాజకీయాల్లోకి వచ్చే ఉద్దేశం లేదని పేర్కొన్నారు. అయితే దిల్లీలో జరిగిన నిరసనల్లో ప్రముఖ నటుడు ప్రకాశ్ రాజ్ కూడా పాల్గొనాల్సి ఉంది. కానీ పలు వృత్తి రిత్యా కారణాలతో ఆయన పాల్గొనలేదు. ఇదే విషయాన్ని తాజాగా ప్రకాశ్ రాజ్ తన ఎక్స్ ఖాతా వేదికగా పోస్టు చేశారు.

Tried my best to be there and show my solidarity..but couldn’t come due to impending prior work .. always with the movement. I am extremely happy Cockroaches Rocked.💪💪Thank you dearest @Wangchuk66 for being there .. who else is better than you when it comes to the future of our… https://t.co/JmMz5ACxBL

— Prakash Raj (@prakashraaj) June 6, 2026

" ఈ నిరసనల్లో పాల్గొని విద్యార్థులకు మద్దతు ఇవ్వాలని చాలా ప్రయత్నం చేశాను. కానీ ముందుగా అనుకున్న పనుల కారణంగా రాలేకపోయాను. కానీ నేను ఆ ఉద్యమం గురించే ఆలోచిస్తున్నాను. కాక్రోచ్ లు రాకింగ్ గా నిరసనను విజయవంతం చేశారు. దానికి నేను సంతోషంగా ఉన్నాను. విద్యా వ్యవస్థపై ఉద్యమం అంటే మీ కంటే ఇంకా ఎవరు బాగా చేయగలరు..?" అని ప్రకాశ్ రాజ్ కీలక ట్వీట్ చేశారు. ప్రస్తుతం ఆయన ట్వీట్ సామాజిక మాధ్యమాల్లో వైరల్ అవుతోంది. ఇక ఇటీవల ఏపీ డిప్యూటీ సీఎం పవన్ కల్యాణ్ పై ప్రకాశ్ ట్వీట్లు చేసిన విషయం తెలిసిందే. ప్రస్తుతం ఆ వివాదం తెలుగు రాష్ట్రాల్లో హాట్ టాపిక్ గా మారింది. ఇక పవన్ పై ప్రకాశ్ రాజ్ ట్వీట్ కు నిర్మాత బండ్ల గణేష్ స్ట్రాంగ్ కౌంటర్ ఇచ్చిన విషయం తెలిసిందే. తాజాగా జనసేన పార్టీ ఎమ్మెల్సీ నాగబాబు పరోక్షంగా ప్రకాశ్ రాజ్ ను ప్రస్తావిస్తూ ట్వీట్ చేయగా.. ప్రకాశ్ రాజ్ దానికి కౌంటర్ ఇచ్చారు.