ఉలిక్కిపడ్డారు: సెల్ఫీ స్టిక్ సహాయంతో.. వాళ్ల బెడ్రూమ్ వీడియోలు తీశాడు..
ఇంజనీర్ అయిన ఆష్టే తన మొబైల్ ఫోన్ సెల్ఫీ స్టిక్ ఉపయోగించి.. కింది ఫ్లాట్ వారి బెడ్రూమ్ వీడియోలను చిత్రీకరించాడు.
పుణే: భార్యాభర్తలు పడక గదిలో సన్నిహితంగా ఉన్న సమయంలో.. తన సెల్ఫోన్ ద్వారా సీక్రెట్గా చిత్రీకరించాడో వ్యక్తి. కనిపెట్టిన భార్యాభర్తలు పోలీసులకు ఫిర్యాదు చేయడంతో అసలు విషయం బయటపడింది.
వివరాల్లోకి వెళ్తే.. మహారాష్ట్ర పుణేలోని హింజివాడి ప్రాంతంలో కుందన్ ఆష్టే అనే యువకుడు ఓ అపార్టుమెంటులో నివాసముంటున్నాడు. ఇంజనీర్ అయిన ఆష్టే తన మొబైల్ ఫోన్ సెల్ఫీ స్టిక్ ఉపయోగించి.. కింది ఫ్లాట్ వారి బెడ్రూమ్ వీడియోలను చిత్రీకరించాడు.
బాధిత మహిళ (29) దీనిపై స్థానిక పోలీసులకు ఫిర్యాదు చేసింది. దీంతో కుందన్ ఆష్టేపై పోలీసులు కేసు నమోదు చేశారు. కుందన్ తమ పడకగది వీడియో వీడియో పుటేజీని ల్యాప్టాప్లో ఉంచాడని మహిళ ఫిర్యాదులో పేర్కొంది. హౌసింగ్ సొసైటీ సభ్యులు బాధిత దంపతులకు అండగా నిలచి నిందితుడిపై చర్యలు తీసుకోవాలని పోలీసులను కోరారు. ఈ ఘటనతో స్థానిక అపార్టుమెంటు వాసులు కూడా ఉలిక్కిపడ్డారు.