మిస్టర్ 36 (మోడీ) సమర్పించు "కామెడీ వీడియో".. ఎంజాయ్ చేయండి, షేర్ చేయండి : రాహుల్
ఢిల్లీ : ప్రధాని నరేంద్ర మోడీ టార్గెట్ గా ఏఐసీసీ అధ్యక్షుడు రాహుల్ గాంధీ ట్విట్టర్ వేదికపై ఓ వీడియోను వదిలారు. ఇది మిస్టర్ 36 (మోడీ) సమర్పించు కామెడీ వీడియో. దీన్ని మీరంతా చూసి సంతోషిస్తారని భావిస్తున్నా. మీరు చూడటమే కాదు మీ ఫ్యామిలీ మెంబర్స్ కు, ఫ్రెండ్స్ కు షేర్ చేయండి. దీంతో అందరూ ఈ వీడియో చూసి సంతోషిస్తారు అంటూ పోస్ట్ చేశారు. మోడీ మాట్లాడిన పలు వీడియో క్లిప్పులను కలిపి ఈ వీడియో తయారుచేశారు. అందులో ముఖ్యంగా గాంధీ కుటుంబాన్ని ప్రస్తావిస్తూ మోడీ పదేపదే చేసిన ఆరోపణల తాలూకు ప్రసంగాలు ఉన్నాయి. నెహ్రూ మొదలు రాహుల్ గాంధీ దాకా వారి పేర్లను మోడీ మళ్లీ మళ్లీ ప్రస్తావించడం కనిపిస్తుంది.
రాహుల్ గాంధీపై మోడీ ఇటీవల చేసిన ఆరోపణలు ఆయనకు కోపం తెప్పించినట్లుంది. అరిగిపోయిన గ్రామఫోను రికార్డులా రాహుల్ చెప్పిన విషయాల్నే చెబుతూ పదేపదే వల్లిస్తున్నారనేది మోడీ వ్యాఖ్యల సారాంశం. రాహుల్ పిల్లచేష్టలను, ఆయన చెప్పే అసత్యాలను ఎవరూ నమ్మరని ఎద్దేవా చేశారు. ఆయన మాట్లాడిన తీరును ప్రజలు సరాదాగా చూస్తున్నారని అన్నారు. పాతకాలంలో గ్రామఫోన్లు కూడా ఇలాగే ఉండేవని.. అవి సరిగా పనిచేయక మళ్లీ మళ్లీ రిపీట్ చేసేవని రాహుల్ ను ఉద్దేశించి ఎద్దేవా చేశారు.
यह मनोरंजक वीडियो श्री 36 द्वारा प्रस्तुत किया गया है! मुझे आशा है कि आप इसे देखकर आनंद लेंगे! कृपया इसे अपने परिवार और दोस्तों के साथ SHARE करें ताकि वे भी इसका आनंद उठा सकें। pic.twitter.com/UQkolZw1Eo
— Rahul Gandhi (@RahulGandhi) December 9, 2018
అరిగిపోయిన రికార్డర్ అంటూ మోడీ తనపై చేసిన వ్యాఖ్యలకు కౌంటర్ గా రాహుల్ గాంధీ ఈ వీడియోను పోస్ట్ చేశారు. ఆయనే ఓ అరిగిపోయిన రికార్డర్ అంటూ ఎద్దేవా చేశారు. తమ కుటుంబ సభ్యుల నామజపంతో భజన చేస్తున్నారంటూ చురకలు అంటించారు. మొత్తానికి రాహుల్ ట్వీట్ పై కొందరు భిన్నాభిప్రాయాలు వినిపిస్తుంటే.. మరికొందరు సరదాగా తీసుకుంటున్నారు.
Click it and Unblock the Notifications
Sign in with Google