రైల్లో మంటలు: బోగీలోంచి తెగించి దూకేశారు

అనంతపురం: ప్రాణాలను కాపాడుకునేందుకు మంటలు అంటుకున్న నాందేడ్ - బెంగళూర్ ఎక్స్‌ప్రెస్ రైలు బోగీలోంచి ప్రయాణికులు తెగించి కిందికి దూకేశారు. ప్రాణాలను కాపాడుకోవడానికి కొంత మంది రైలులోంచి కిందికి దూకేస్తే, మరికొంత మంది బాత్రూం అద్దాలు పగులుగొట్టి బయటకు వచ్చారు.

బోగీలోంచి దూకేయడంతో పలువురు గాయపడ్డారు. కొందరి కాళ్లు, చేతులు విరిగిపోయాయి. కొద్ది మంది మంటల్లో చిక్కుకుని గాయపడ్డారు. గాయపడినవారిని ధర్మవరం, అనంతపురం, పెనుగొండ, పుట్టపర్తి ఆస్పత్రులకు తరలించారు. గాయపడినవారిలో తనుశ్రీ అనే చిన్నారి పరిస్థితి ఆందోళనకరంగా ఉంది. బంధువుల రోదనలతో అస్పత్రులు శోకసముద్రంలా మారిపోయాయి.

కాగా, శ్రీలత, ఆమె భర్త శ్రీనివాస్ అచూకీ తెలియకపోవడంతో బంధువులు తీవ్ర ఆందోళనకు గురవుతున్నారు. వారి సెల్ ఫోన్లు పనిచేయడం లేనది చెబుతున్నారు. వారికి ఆరు నెలల క్రితమే పెళ్లయింది. వారు అనంతపురం జిల్లాకు చెందినవారు.

ఇదిలావుంటే, ఓ వ్యక్తి ప్రమాదంలో తనవారందరినీ కోల్పోయి కూడా పలువురి ప్రాణాలు కాపాడాడు. శ్రవణ్ అనే వ్యక్తి తన భార్యను,త అత్తను, మామను కోల్పోయాడు. కళ్ల ముందే వారు బుగ్గిపాలయ్యారు. అయినా దుఖ్కాన్ని దిగమింగుతూ తోటి ప్రయాణికులను కాపాడడంలో మునిగిపోయాడు. దాదాపు 20 మంది ప్రాణాలను అతను కాపాడినట్లు వార్తలు వస్తున్నాయి.

రైలు ప్రమాదంపై తెలుగుదేశం పార్టీ అధ్యక్షుడు నారా చంద్రబాబు నాయుడు తీవ్ర దిగ్భ్రాంతి వ్యక్తం చేశాడు. ఈ మేరకు ఆయన ట్విట్టర్‌లో తన సంతాప సందేశాన్ని ట్వీట్ చేశాడు. పిసిసి అధ్యక్షుడు బొత్స సత్యనారాయణ కూడా ప్రమాదంపై తీవ్ర దిగ్భ్రాంతి వ్యక్తం చేశారు.

<blockquote class="twitter-tweet blockquote" lang="en"><p>Nanded-Banglore express fire claims 26 lives. My condolences to the families of deceased. So many accidents this year, sad & shocking.</p>— N Chandrababu Naidu (@ncbn) <a href="https://twitter.com/ncbn/statuses/416802696113311744">December 28, 2013</a></blockquote> <script async src="//platform.twitter.com/widgets.js" charset="utf-8"></script>

English summary

Most of the passengers jumped from the train to protect themselves, when the Nanded - Bangalore express caught fire.