శిల్పాశెట్టి భర్త వ్యాఖ్య వివాదం, సల్మాన్ ఫ్యాన్స్ ఆగ్రహం

ముంబై: రాజస్థాన్ రాయల్స్ సహయజమాని, ప్రముఖ బాలీవుడ్ నటి శిల్పాశెట్టి భర్త రాజ్ కుంద్రా బాలీవుట్ హీరో సల్మాన్ ఖాన్ మీద చేసిన వ్యాఖ్యలు వివాదస్పదమవుతున్నాయి. బాలీవుడ్‌లో నటుడిగా రాణించాలనుకుంటున్నారా? అని జర్నలిస్టులు అడిగిన ఓ ప్రశ్నకు రాజ్ కుంద్రా స్పందిస్తూ.. బాలీవుడ్ టాప్ హీరో సల్మాన్ ఖాన్ ఒక సినిమాకి సంపాదించే మొత్తం కన్నా చాలా ఎక్కువ డబ్బును తాను కేవలం నెలలో సంపాదిస్తానని చెప్పారు.

బాలీవుడ్‌లో టాప్ హీరో కన్నా ఎక్కువ సంపాదిస్తున్నప్పుడు తాను బాలీవుడ్‌లో ఎందుకు నటించాలనుకుంటానని కుంద్రా విలేకరులను ప్రశ్నించారు. సంపాదన విషయంలో సల్మాన్ తనకు దరిదాపుల్లో కూడా లేడన్నారు. ఈ విషయాన్ని కావాలంటే సల్మాన్‌ను అడిగి ఖరారు చేసుకోవచ్చని సూచించారు.

బాలీవుడ్ తనను భరించలేదని కూడా ఆయన అన్నారు. కేవలం తన భార్య శిల్పాశెట్టి కోసమే తాను బాలీవుడ్‌లో సినిమాలు నిర్మించేందుకు సిద్ధపడ్డానని చెప్పారు. తన భార్య సింప్లిసిటీ, సర్దుకుపోయేతత్వం తనను ఫిదా చేశాయన్నారు. కాగా, రాజ్ కుంద్రా భార్య శిల్పాశెట్టి బాలీవుడ్ హీరో సల్మాన్ ఖాన్‌కు మంచి స్నేహితురాలు.

కుంద్రా చేసిన వ్యాఖ్యలపై సల్మాన్ అభిమానులు విరుచుకుపడ్డారు. ఫేస్‌బుక్, ట్విట్టర్‌లలో సల్మాన్ అభిమానులు కుంద్రాపై తిట్ల దండకం మొదలు పెట్టారు.

సల్మాన్ ఖాన్ చేసే చారిటీ ముందు నీ నెల సంపాదన ఎందుకు కొరగాదని, నువ్వు మరో పది జన్మలు ఎత్తినా సల్మాన్ ఖాన్ ప్రతిష్ట రాదని, సల్మాన్ పైన రాజ్ కుంద్రా చేసిన వ్యాఖ్యలను ఎందుకు పట్టించుకుంటున్నారని, సల్మాన్ పేరును పబ్లిసిటీకి ఉపయోగించుకునే వారులో కుంద్రానే మొదటి వాడు కాదని, అలాగే చివరి వాడు కాదని, డబ్బులతో గౌరవాన్ని, ప్రతిష్టను కొనలేమని, డబ్బు విషయం కాదని, కుంద్రా హ్యూమానిటీ నేర్చుకోవాలని... ఇలా ఎన్నో ట్వీట్లతో రాజ్ కుంద్రా పైన విరుచుకుపడ్డారు.

English summary

Gorgeous actress Shilpa Shetty's husband Raj Kundra took a dig at Salman Khan. Raj Kundra has recently went on record and said that he monthly earns more than what Salman earns with one movie. Raj Kundra who also owns a cricket team Rajasthan Royals said what he makes in a month is much higher than even Salman Khan's earnings from one film.